Rajasthan | రాజ మకుటం ఎవరిదో?.. రసవత్తరంగా రాజస్థాన్‌లో లోక్‌సభ ఎన్నికలు

బీజేపీ, కాంగ్రెస్‌ మధ్యే ప్రధాన పోటీ ఉండే రాజకోటల రాజధాని రాజస్థాన్‌లో ఈ నెలలోనే రెండు దఫాల్లో (19న, 26న) లోక్‌సభ ఎన్నికల పోలింగ్‌ జరుగనున్నది.

• మూడోసారి క్లీన్‌స్వీప్‌ చేయాలని బీజేపీ ప్రయత్నం
• బూత్‌ లెవల్‌ క్యాడరే కమల దళం బలం
• మీనా, గుర్జార్స్‌, జాట్‌ వర్గాల నుంచి సెగ లేకపోలేదు
• ఆరెల్పీ, బీఏపీ, సీపీఎంతో ఎన్నికల బరిలోకి కాంగ్రెస్‌
• గెహ్లాట్‌, పైలట్‌ చరిష్మాను నమ్ముకొన్న హస్తం పార్టీ
• వెంటాడుతున్న గత పాలన అవినీతి, పేపర్‌ లీక్‌

Rajasthan | హైదరాబాద్‌, ఏప్రిల్‌ 6 (స్పెషల్ టాస్క్‌ బ్యూరో, నమస్తే తెలంగాణ): బీజేపీ, కాంగ్రెస్‌ మధ్యే ప్రధాన పోటీ ఉండే రాజకోటల రాజధాని రాజస్థాన్‌లో ఈ నెలలోనే రెండు దఫాల్లో (19న, 26న) లోక్‌సభ ఎన్నికల పోలింగ్‌ జరుగనున్నది. 2004లో నాలుగు సీట్లకు పరిమితమైన కాంగ్రెస్‌.. 2009కి వచ్చేసరికి 20 స్థానాల్లో విజయదుందుభి మోగించింది.

అయితే, ఆ తర్వాత జరిగిన రెండు లోక్‌సభ ఎన్నికల్లో ఆ పార్టీ ఖాతా కూడా తెరువలేకపోయింది. ఇదే సమయంలో 2014, 2019లో దాదాపు అన్ని లోక్‌సభ స్థానాలను క్లీన్‌స్వీప్‌ చేసిన బీజేపీ.. హ్యాట్రిక్‌ విజయాన్ని దక్కించుకోవాలని ఉవ్విళ్లూరుతున్నది.

బీజేపీ బలాలు – బలహీనతలు

• పార్టీ వ్యవస్థీకృత నిర్మాణం, బూత్‌ స్థాయివరకూ బలమైన క్యాడర్‌ ఉండటం
• గడిచిన రెండు దఫాల్లో మెజారిటీ స్థానాలను కైవసం చేసుకోవడం
• అసమ్మతి సెగ తగిలిన సిట్టింగ్‌ ఎంపీలను పోటీలో నుంచి తప్పించి కొత్తవారికి ఇవ్వడం
• ప్రధాని మోదీ తరుచూ రాష్ట్రంలో పర్యటించడం.
• ఇటీవలి అసెంబ్లీ ఎన్నికల్లో ఎక్కువ స్థానాలు గెలిచి పార్టీ అధికారంలోకి రావడం
• పేపర్‌ లీక్‌ కేసులో దర్యాప్తును ముమ్మరం చేసి పలువురిని అరెస్ట్‌ చేయడం.
• టికెట్లు రాని ఆశావహులు కాంగ్రెస్‌లోకి మారిపోవడం.. ఉదాహరణకు చురు ఎంపీ రాహుల్‌ కాశ్వాన్‌కు టికెట్‌ నిరాకరించడంతో ఆయన కాంగ్రెస్‌లోకి చేరడం.
• తమ వర్గానికి ప్రాతినిధ్యం లేదంటూ మీనా, గుర్జార్స్‌, జాట్‌ తదితర వర్గాల నుంచి అసమ్మతి సెగ
• పంజాబ్‌ రైతులతో కలిసి ఉత్తర రాజస్థాన్‌కు చెందిన రైతులు పలు సమస్యలపై నిరసనలు వ్యక్తం చేయడం

 

కాంగ్రెస్‌ బలాలు – బలహీనతలు

• మాజీ సీఎం అశోక్‌ గెహ్లాట్‌, మాజీ డిప్యూటీ సీఎం సచిన్‌ పైలట్‌ల చరిష్మా
• గుర్జార్‌ కమ్యూనిటీ నుంచి బలమైన సపోర్ట్‌ ఉండటం
• ఇటీవలి అసెంబ్లీ ఎన్నికల్లో అధికారాన్ని దూరం చేశామంటూ ప్రజల్లో సానుభూతి
• రాష్ట్రీయ లోక్‌తాంత్రిక్‌ పార్టీ (ఆరెల్పీ), భారత్‌ ఆదివాసీ పార్టీ (బీఏపీ), సీపీఎంతో జట్టు
• గెహ్లాట్‌, పైలట్‌ వర్గం మధ్య ఆధిపత్య పోరు
• పార్టీ వ్యవస్థీకృత నిర్మాణం, బూత్‌ స్థాయి క్యాడర్‌ బీజేపీతో పోలిస్తే మెరుగ్గా లేకపోవడం
• గడిచిన ఐదేండ్ల పాలనలో అవినీతి ఆరోపణలు, పేపర్‌ లీకుల వ్యవహారం
• మాజీమంత్రి మహేంద్రజీత్‌ సింగ్‌ మాలవీయ వంటి కీలక నేతలు పార్టీని విడిచిపెట్టడం

గత లోక్‌సభ ఎన్నికల ఫలితాలు