Priyanka Gandhi: రాహుల్ గాంధీ రికార్డును బ్రేక్ చేసిన ప్రియాంకా గాంధీ

Priyanka Gandhi: అన్న రికార్డును చెల్లి బ్రేక్ చేసింది. వ‌య‌నాడ్ లోక్‌స‌భ స్థానం కోసం జ‌రిగిన ఉప ఎన్నిక‌లో.. ప్రియాంకా గాంధీ దూసుకెళ్తోంది. ఈ ఏడాది ఎన్నిక‌ల్లో రాహుల్ గాంధీకి 3.65 ల‌క్ష‌ల మెజారిటీ రాగా, ఇప్పుడు ఆ మైలురాయిని ప్రియాంకా దాటేసింది. తాజా స‌మాచారం ప్ర‌కారం ఆమెకు ఇప్ప‌టికే 3.82 ల‌క్ష‌ల మెజారిటీ వ‌చ్చేసింది. ప్రియాంకాకు 5.78 ల‌క్ష‌ల ఓట్లు పోల‌య్యాయి.

వ‌య‌నాడ్‌: కేర‌ళ‌లోని వ‌య‌నాడ్ పార్ల‌మెంట్ ఉప ఎన్నిక‌ల్లో.. స‌రికొత్త రికార్డు న‌మోదు అయ్యింది. కాంగ్రెస్ నేత ప్రియాంకా గాంధీ(Priyanka Gandhi).. అత్య‌ధిక మెజారిటీతో విజ‌యాన్ని న‌మోదు చేయ‌నున్నారు. ఈ ఏడాది ఆ స్థానం నుంచి ఆమె సోద‌రుడు రాహుల్ గాంధీ సుమారు 3.65 ల‌క్షల ఓట్ల తేడాతో నెగ్గారు. అయితే రాహుల్ గాంధీ రాజీనామాతో ఆ స్థానం నుంచి ప్రియాంకా గాంధీ పోటీ చేశారు. ఉప ఎన్నిక‌లో ప్రియాంకా గాంధీ .. రాహుల్ మెజారిటీని దాటేశారు. తాజా స‌మాచారం ప్ర‌కారం .. ప్రియాంకా గాంధీ 3,77,517 ఓట్ల మెజారిటీ సాధించారు. ప్రియాంకాకు 5.78 ల‌క్ష‌ల ఓట్లు పోల‌య్యాయి. రెండ‌వ స్థానంలో క‌మ్యూనిస్టు అభ్య‌ర్థి స‌త్య‌న్ మోక‌రి నిలిచారు. ఇక బీజేపీ అభ్య‌ర్థి న‌వ్య హ‌రిదాస్ ప‌ది వేల ఓట్లతో మూడ‌వ స్థానంలో నిలిచారు. 2019లో రాహుల్‌కు సుమారు 4 లక్ష‌ల మెజారిటీ వ‌చ్చింది.