నౌకాదళంలోకి ‘వింధ్యగిరి’

నౌకాదళం అమ్ములపొదిలోకి మరో అధునాతన యుద్ధనౌక చేరింది. స్వదేశీ పరిజ్ఞానంతో తయారు చేసిన ఐఎన్‌ఎస్‌ వింధ్యగిరి యుద్ధనౌకను గురువారం రాష్ట్రపతి ద్రౌపది ముర్ము ప్రారంభించారు.కోల్‌కతాలోని హుగ్లీ నదీతీరంలో ఈ స్టెల్త్‌ యుద్ధనౌక జలప్రవేశం చేసింది.

• ప్రారంభించిన రాష్ట్రపతి ద్రౌపది ముర్ము

కోల్‌కతా, ఆగస్టు 17: నౌకాదళం అమ్ములపొదిలోకి మరో అధునాతన యుద్ధనౌక చేరింది. స్వదేశీ పరిజ్ఞానంతో తయారు చేసిన ఐఎన్‌ఎస్‌ వింధ్యగిరి యుద్ధనౌకను గురువారం రాష్ట్రపతి ద్రౌపది ముర్ము ప్రారంభించారు.కోల్‌కతాలోని హుగ్లీ నదీతీరంలో ఈ స్టెల్త్‌ యుద్ధనౌక జలప్రవేశం చేసింది. అధునాతన సాంకేతిక పరిజ్ఞానం, సెన్సార్లు దీని సొంతమని, క్షిపణి దాడులతో విరుచుకుపడుతుందని యుద్ధనౌక నిర్మాణంలో పాలుపంచుకున్న ‘గార్డెన్‌ రీచ్‌ షిప్‌బిల్డర్స్‌’ అధికారులు వెల్లడించారు.

• ప్రాజెక్ట్‌ 17ఏలో భాగంగా రూపొందించిన ఆరో యుద్ధనౌక ఇది.
• కర్ణాటకలోని పర్వతశ్రేణి పేరిట దీనికి వింధ్యగిరి అని పేరు పెట్టారు.
• ఈ యుద్ధనౌక పొడవు 149 మీటర్లు.. బరువు 6670 టన్నులు
• ఇది గంటకు 28 నాటికల్‌ మైళ్ల వేగంతో ప్రయాణించగలదు.
• భూమి, ఆకాశం, నీటి లోపల ఎదురయ్యే ముప్పులను ఇది తిప్పికొట్టగలదు.