PM Modi | ఈసారి గోవాలో ప్రధాని మోదీ దీపావళి సెలబ్రేషన్స్‌..!

PM Modi | ఏటా దీపావళి వేడుకలను ప్రధాన మంత్రి నరేంద్ర మోదీ (PM Modi) సరిహద్దుల్లోని జవాన్లతో కలిసి జరుపుకుంటున్న విషయం తెలిసిందే.

PM Modi | ఏటా దీపావళి వేడుకలను ప్రధాన మంత్రి నరేంద్ర మోదీ (PM Modi) సరిహద్దుల్లోని జవాన్లతో కలిసి జరుపుకుంటున్న విషయం తెలిసిందే. సైనిక దుస్తులు ధరించి ప్రతి ఏటా ఒక ప్రదేశంలో మోదీ ఈ వేడుకలను జరుపుకుంటూ వస్తున్నారు. జవాన్లకు స్వయంగా స్వీట్లు తినిపించి.. సరదాగా గుడుపుతుంటారు. అయితే, ఈ సారి గోవాలో దివాళి సెలబ్రేషన్స్‌ చేసుకోనున్నట్లు తెలిసింది.

గోవాలోని (Goa Coast) నౌకాదళ సిబ్బంది (Navy Personnel)తో ప్రధాని దీపావళి వేడుకలు (Diwali Celebrations) జరుపుకోనున్నట్లు సంబంధిత వర్గాలు తాజాగా వెల్లడించాయి. పహల్గాం దాడికి ప్రతీకారంగా చేపట్టిన ఆపరేషన్‌ సిందూర్‌ (Operation Sindoor)లో భారత్‌ సాధించిన విజయాన్ని నౌకాదళ సిబ్బందితో జరుపుకోనున్నట్లు పేర్కొన్నాయి.

• 2014లో ప్రధానిక పదవి చేపట్టినప్పటి నుంచి మోదీ సాయుధ దళాల సిబ్బందితో దీపావళిని సెలబ్రేట్‌ చేసుకుంటున్నారు. 2014లో ఆయన లడఖ్‌లోని సియాచిన్‌ హిమానీనదానికి వెళ్లి అక్కడ గస్తీలో ఉన్న జవాన్లతో వేడుకలు జరుపుకున్నారు.
• 2015లో పంజాబ్‌లోని అమృత్‌సర్‌లోని డోగ్రాయ్ యుద్ధ స్మారక చిహ్నాన్ని సందర్శించారు. అక్కడ 1965 ఇండో-పాక్‌ యుద్ధంలో అమరులైన జవాన్లకు నివాళులర్పించారు.
• 2016లో హిమాచల్‌ ప్రదేశ్‌లోని సుమ్డోలోగల భారత్‌-చైనా సరిహద్దు సమీపంలో భద్రతా దళం, సైనిక సిబ్బందిని కలిశారు.
• 2017లో జమ్ము కశ్మీర్‌లోని గురెజ్‌ సెక్టార్‌లో
• 2018లో ఉత్తరాఖండ్‌లోని ఇండో-టిబెటన్‌ బోర్డర్‌ పోలీసు సిబ్బందితో
• 2019లో జమ్ము కశ్మీర్‌లోని రాజౌరిలో గల సైనికులతో
• 2020లో రాజస్థాన్‌లోని జైసల్మేర్‌లో
• 2021లో జమ్ము కశ్మీర్‌లోని నౌషెరాలో
• 2022లో కార్గిల్‌లో
• 2023లో చైనా సరిహద్దులోని లేప్చా (హిమాచల్‌ప్రదేశ్‌) సైనిక శిబిరంలో వేడుకలు చేసుకున్నారు.
• 2024లో కచ్‌లోని సర్‌ క్రీక్‌ ప్రాంతంలో విధులు నిర్వర్తిస్తున్న సరిహద్దు భద్రతా దళం, ఆర్మీ, నేవీ, వాయుసేన సిబ్బందిని కలిసి వారితో వేడుకలు చేసుకున్నారు.

Also Read..

Air Pollution | ఢిల్లీలో క్షీణించిన గాలి నాణ్యత.. పూర్‌ కేటగిరీలో ఏక్యూఐ

IMD | నైరుతి నిష్క్రమణ.. ఈశాన్య రుతుపవనాలు ఆగమనం : ఐఎండీ

JDU | బీహార్‌ ఎన్నికలు.. 44 మంది అభ్యర్థులతో జేడీయూ తుది జాబితా రిలీజ్‌