PM Modi: మోదీని మెచ్చుకున్న పిట్రోడా.. దివాళీ విషెస్ చెప్పిన ప్ర‌ధాని

PM Modi: సామ్ పిట్రోడాకు దీపావ‌ళి విషెస్ తెలిపారు ప్ర‌ధాని మోదీ. ఆయ‌న త‌న ఎక్స్ అకౌంట్‌లో శుభాకాంక్ష‌లు చెప్పారు. అయితే మోదీ త‌న‌కు మంచి మిత్రుడు అని పిట్రోడా చేసిన వ్యాఖ్య‌ల వీడియోను కూడా ఆ విషెస్‌లో జోడించారు.

న్యూఢిల్లీ: ప్ర‌ధాని మోదీ(PM Modi)పై కాంగ్రెస్ పార్టీ ఓవ‌ర్‌సీస్ నేత సామ్ పిట్రోడా ప్ర‌శంస‌లు కురిపించారు. మోదీతో త‌న‌కు వ్య‌క్తిగ‌తంగా మంచి రిలేష‌న్ ఉంద‌ని తెలిపారు. సోష‌ల్ మీడియాలో పోస్టు చేసిన పిట్రోడా వీడియోకు మోదీ స్పందించారు. కాంగ్రెస్ నేత సామ్ పిట్రోడాకు దీపావ‌ళితో పాటు గుజ‌రాతీ న్యూ ఇయ‌ర్ గ్రీటింగ్స్ చెప్పారు ప్ర‌ధాని. సామ్ భాయ్‌, అంజ‌నా బెన్‌కు విషెస్ చెబుతున్న‌ట్లు మోదీ పేర్కొన్నారు. సంతోష‌క‌ర‌, ఆరోగ్య‌క‌ర‌మైన సంవ‌త్స‌రాన్ని జ‌రుపుకోవాల‌ని మోదీ త‌న ఎక్స్‌లో కోరారు.

మోదీ త‌న‌కు గుజ‌రాతీ ఫ్రెండ్ అని పిట్రోడా చేసిన వ్యాఖ్య‌ల‌కు సంబంధించిన వీడియోను ప్ర‌ధాని త‌న ఎక్స్‌లో పోస్టు చేశారు. ఆ వీడియోలో సామ్ పిట్రోడా మాట్లాడుతూ.. ప్ర‌ధాని మోదీ త‌న‌కు గుజ‌రాతీ ఫ్రెండ్ అని, వ్య‌క్తిగా ఆయ‌న్ను గౌర‌విస్తాను, నేను నా భ‌ర్య ఆయ‌న్ను క‌లిసేవార‌మ‌ని, ఆయ‌న ఎంతో ప్రేమ‌, ద‌య ప్ర‌ద‌ర్శించేవార‌ని, ఆయ‌నో మంచి వ‌క్త‌, హార్డ్ వ‌ర్కింగ్ వ్య‌క్తి, అని అన్నారు. త‌మ మ‌ధ్య ఎటువంటి వ్య‌క్తిగ‌త విబేధాలు లేవ‌ని పిట్రోడా తెలిపారు.

Happy Diwali and Nutan Varsh Abhinandan to you Sam Bhai and to Anjana Ben.

Praying for a joyful and healthy year ahead.

Jai Jagannath!

@sampitroda

— Narendra Modi (@narendramodi) November 12, 2026