సీఈసీ జ్ఞానేశ్‌ కుమార్‌పై సుప్రీంలో పిల్‌

భారత ప్రధాన ఎన్నికల అధికారి (సీఈసీ) జ్ఞానేశ్‌ కుమార్‌పై విచారణ జరపాలని కోరుతూ సుప్రీం కోర్టులో శుక్రవారం ఒక పిల్‌ దాఖలైంది. ఓటర్ల జాబితా సవరణ ‘సర్‌'తో పాటు పలు విషయాల్లో మిగతా ఇద్దరు కమిషనర్ల అభిప్రాయాలను పరిగణనలోకి తీసుకోకుండా ఏకపక్షంగా నిర్ణయం తీసుకుని దేశ వ్యాప్తంగా కోట్లాది మంది ఓట్లను చోరీ చేసిన జ్ఞానేశ్‌ కుమార్‌ చర్యలపై విచారణ జరపాలని ఇటీవల మీడియాలో వచ్చిన కథనాల ఆధారంగా ఈ పిల్‌ దాఖలైంది.

• ఆయన చర్యలపై విచారణ జరపాలని విజ్ఞప్తి

న్యూఢిల్లీ, సెప్టెంబర్‌ 25: భారత ప్రధాన ఎన్నికల అధికారి (సీఈసీ) జ్ఞానేశ్‌ కుమార్‌పై విచారణ జరపాలని కోరుతూ సుప్రీం కోర్టులో శుక్రవారం ఒక పిల్‌ దాఖలైంది. ఓటర్ల జాబితా సవరణ ‘సర్‌’తో పాటు పలు విషయాల్లో మిగతా ఇద్దరు కమిషనర్ల అభిప్రాయాలను పరిగణనలోకి తీసుకోకుండా ఏకపక్షంగా నిర్ణయం తీసుకుని దేశ వ్యాప్తంగా కోట్లాది మంది ఓట్లను చోరీ చేసిన జ్ఞానేశ్‌ కుమార్‌ చర్యలపై విచారణ జరపాలని ఇటీవల మీడియాలో వచ్చిన కథనాల ఆధారంగా ఈ పిల్‌ దాఖలైంది.

న్యాయవాది శైలేంద్ర మణి త్రిపాఠి దాఖలు చేసిన ఈ పిల్‌లో తోటి కమిషనర్ల ఆమోదం లేకుండానే జ్ఞానేశ్‌ ఏకపక్షంగా సాఫ్ట్‌వేర్‌లో మార్పులు చేశారని, ఇష్టానుసారం మార్గదర్శకాలు జారీ చేశారని, ఏకపక్షంగా నిర్ణయాలు తీసుకున్నారని ఆరోపించారు. ఇది పూర్తిగా రాజ్యాంగ విరుద్ధం, ప్రజాస్వామ్యానికి చేటు తెచ్చే చర్యలని పేర్కొన్నారు. ఆయన ఇప్పటివరకు ప్రకటించిన నిర్ణయాలన్నీ చట్టవిరుద్ధ్ధం అని ప్రకటించాలని కోరారు.