Pawanraje Nimbalkar | కాంగ్రెస్ నేత పవన్‌రాజే హత్య కేసు.. 20 ఏళ్ల తర్వాత నిందితుల్ని నిర్దోషులుగా తేల్చిన సీబీఐ కోర్టు

awanraje Nimbalkar : మహారాష్ట్రలో 20 ఏళ్లక్రితం కాంగ్రెస్ నేత పవన్‌రాజే హత్య కేసులో నిందితుల్ని సీబీఐ కోర్టు నిర్దోషులుగా ప్రకటించింది. ఎన్సీపీ మాజీ నేత పదమ్‌సిన్హ్ పాటిల్ సహా తొమ్మిది మంది నిందితుల్ని దోషులుగా ప్రకటిస్తూ శనివారం తీర్పు వెల్లడించింది.

Pawanraje Nimbalkar : మహారాష్ట్రలో 20 ఏళ్లక్రితం కాంగ్రెస్ నేత పవన్‌రాజే హత్య కేసులో నిందితుల్ని సీబీఐ కోర్టు నిర్దోషులుగా ప్రకటించింది. ఎన్సీపీ మాజీ నేత పదమ్‌సిన్హ్ పాటిల్ సహా తొమ్మిది మంది నిందితుల్ని దోషులుగా ప్రకటిస్తూ శనివారం తీర్పు వెల్లడించింది. ఈ కేసుకు సంబంధించిన పూర్తి వివరాలివి. 2006లో అప్పటి కాంగ్రెస్ నేత పవన్‌రాజే నింబాల్కర్, అతడి డ్రైవర్ సమద్ ఖాజి హత్యకు గురయ్యారు. జూన్ 3న ముంబై నుంచి ఒస్మానాబాద్ వెళ్తుండగా వారి వాహనంపై కొందరు దుండగులు కాల్పులు జరిపారు. ఈ ఘటనలో పవన్‌రాజే, సమద్ ఖాజి ఇద్దరూ మరణించారు.

ఆ సమయంలో పవన్‌రాజే ఎమ్మెల్యే. అప్పటి కాంగ్రెస్ ప్రభుత్వంలో కీలక బాధ్యతలు నిర్వర్తి్స్తున్నారు. ఈ హత్య కేసును సీబీఐ విచారించింది. అలాగే, దీని వెనుక పెద్ద కుట్ర ఉందని, రూ.30 లక్షల డబ్బు సమకూర్చడం వల్ల ఈ హత్య జరిగిందని ఆరోపించింది. ఈ హత్యకు అప్పటి ఎన్సీపీ నేత, మాజీ ఎంపీ పదమ్‌సింహ్ పాటిల్ ప్రధాన కారకుడు అని తేల్చింది. అలాగే, మరో ఎనిమిది మందిని దోషులుగా గుర్తించింది. ఈ ఆరోపణలను పదమ్‌సింహ్ పాటిల్ సహా నిందితులంతా ఖండించారు. తమకు ఈ హత్యతో సంబంధం లేదని చెప్పారు. పాటిల్.. ప్రస్తుత మహారాష్ట్ర డిప్యూటీ సీఎం సునేత్ర పాటిల్‌కు సోదరుడు. ఈ కేసుపై సుదీర్ఘంగా సాగిన విచారణ అనంతరం నిందితుల్ని సీబీఐ ప్రత్యేక కోర్టు నిర్దోషులుగా ప్రకటించింది. పాటిల్‌తోసహా మొత్తం తొమ్మిది మందిని నిర్దోషులుగా తేల్చింది. 20 ఏళ్లపాటు సాగిన విచారణ తర్వాత నిందితుల్ని కోర్టు నిర్దోషులుగా ప్రకటిస్తూ తీర్పు వెల్లడించింది.

మరోవైపు ఈ తీర్పుపై అసంతృప్తి వ్యక్తం చేసిన సీబీఐ.. దీన్ని వ్యతిరేకిస్తూ ముంబై హైకోర్టును ఆశ్రయించబోతున్నట్లు తెలుస్తోంది. దీనికి సంబంధించిన న్యాయ ప్రక్రియపై సీబీఐ దృష్టిపెట్టింది. ఈ తీర్పును మహారాష్ట్ర సీఎం దేవేంద్ర ఫడ్నవీస్, డిప్యూటీ సీఎం ఏక్‌నాథ్‌ షిండేలు.. కేంద్ర హోం మంత్రి అమిత్ షాతో చర్చించారు. ఈ తీర్పుపై హైకోర్టును ఆశ్రయించాలని అమిత్ షా సూచించినట్లు సమాచారం. ప్రస్తుతం ఈ అంశం మహారాష్ట్రలో రాజకీయ దుమారం రేపే అవకాశం కూడా ఉంది. నిందితులకు, మృతుడికి రాజకీయ నేపథ్యం ఉండటమే ఇందుకు కారణం.