బెంగళూర్ : సోషల్ మీడియాలో ఎన్నో పోస్ట్లు, వీడియోలు కుప్పలుతెప్పలుగా కనిపించినా కొన్ని మాత్రమే మనసును తాకుతుంటాయి. లేటెస్ట్గా ఓ మహిళా రోగి తనకు గిఫ్ట్గా ఇచ్చిన డ్రైఫ్రూట్ బాక్స్ ఫొటోను ఓ డాక్టర్ సోషల్ మీడియాలో (Viral Post) షేర్ చేశారు. మంగళూర్లోని కేఎంసీ ఆస్పత్రిలో కార్డియాలజీ అధిపతి, ప్రొఫెసర్ డాక్టర్ పీ కామత్ ఈ పోస్ట్ను షేర్ చేశారు.
Yesterday someone enters my clinic late after I finished seeing all the patients. She works as a helper in the bank and has been my patient for more than a decade. I never used to take consultation from her knowing fully her salary. She presents this jar of dry fruits and conveys… pic.twitter.com/NAIGBGChc4
— Dr P Kamath (@cardio73) March 22, 2023
గత పదేండ్లుగా ఆమె తన పేషెంట్గా ఉన్నారని చెప్పుకొచ్చారు. ఓ బ్యాంక్లో హెల్పర్గా పనిచేసే ఆమె జీతం గురించి తనకు పూర్తిగా తెలిసినందున ఎన్నడూ కన్సల్టేషన్ ఫీజు వసూలు చేయలేదని డాక్టర్ కామత్ రాసుకొచ్చారు. ఇక బ్యాంకులో తన చివరి పనిదినం కావడంతో ఆమె డ్రైఫ్రూట్స్ బాక్స్ను గిఫ్ట్గా తీసుకుని తన వద్దకు వచ్చారని డాక్టర్ పేర్కొన్నారు.
గిఫ్ట్ బాక్స్ అందిస్తూ ఉగాది శుభాకాంక్షలు తెలిపారని అన్నారు. ఈరోజు తాను రోగిలా రాలేదని, బ్యాంక్లో ఇది తన చివరిరోజు కావడంతో మీకు కృతజ్ఞతలు తెలిపేందుకే వచ్చానని ఆమె చెప్పినట్టు డాక్టర్ కామత్ రాసుకొచ్చారు. ఈ వైరల్ పోస్ట్ను ఇప్పటివరకూ 10,000 మందికి పైగా లైక్ చేయగా, కామెంట్ సెక్షన్లో హార్ట్ ఎమోజీలతో హోరెత్తించారు. ఓ డాక్టర్ అందుకున్న బెస్ట్ రివార్డ్ ఇదేనని ఓ యూజర్ కామెంట్ చేయగా, ఆమె మనసు ఎంత గొప్పది అంటూ మరో యూజర్ రాసుకొచ్చారు.
Read More :