గిద్దెల‌తో మురుకులొత్తిన‌ ఎమ్మెల్యే అభ్య‌ర్థి

April 4, 2021 / 04:14 PM IST

చెన్నై: త‌మిళ‌నాడు అసెంబ్లీ ఎన్నిక‌ల ప్ర‌చారంలో భాగంగా అభ్య‌ర్థులు చేస్తున్న ప‌నులు జ‌నాల‌కు వినోదం పంచుతున్నాయి. ఇప్ప‌టికే బీజేపీ అభ్య‌ర్థి కుష్బూ దోసెలు వేసి ఓట‌ర్ల దృష్టిని ఆక‌ర్షించారు. ఒక‌రు ఇడ్లీలు చేస్తూ, మ‌రొక‌రు ఇస్త్రీ చేస్తూ, ఇంకొక‌రు కొబ్బ‌రి బోండాల‌ను కొడుతూ ఎవ‌రికి తోచిన‌ట్లుగా వాళ్లు వివిధ ప‌నుల‌తో ఓట‌ర్ల దృష్టిలో ప‌డే ప్ర‌య‌త్నం చేశారు.

తాజాగా మ‌న‌ప్ప‌రాయ్ నియోజ‌క‌వ‌ర్గానికి చెందిన‌ డీఎంకే అభ్య‌ర్థి అబ్దుల్ స‌మ‌ద్‌ మురుకులు చేసి ఓట‌ర్ల మ‌న‌సు దోచేందుకు ప్ర‌య‌త్నించారు. ప్రచారంలో భాగంగా ఓ పిండివంట‌ల దుకాణం ద‌గ్గ‌రికి వెళ్లిన ఆయ‌న.. అక్క‌డ కాసేపు గిద్దెల‌తో మురుకులొత్తారు. మ‌రికాసేపు కడాయిలో మురుకుల‌ను వేయించి తీశారు. కాగా, త‌మిళ‌నాడులో అసెంబ్లీ ఎన్నిక‌ల పోలింగ్‌ ఈ నెల 6న జ‌రుగ‌నున్న‌ది.

Tamil Nadu: P Abdul Samad, DMK candidate from Manapparai, makes 'muruku' as part of election campaign, ahead of single-phase Assembly elections on April 6 pic.twitter.com/eFxlwfjbl9
— ANI (@ANI) April 4, 2021