బిల్లులో ఏముంది?

కేంద్ర హోం మంత్రి అమిత్‌ షా బుధవారం లోక్‌సభలో ప్రవేశపెట్టిన రాజ్యాంగ(130వ సవరణ) బిల్లు, 2025 ప్రకారం ఐదేళ్లు అంతకు మించి శిక్ష పడే అవకాశం ఉన్న నేరాలకు సంబంధించిన కేసులలో అరెస్టయి వరుసగా 30 రోజులకు మించి కస్టడీలో ఉన్న పక్షంలో రాష్ర్టాలు, కేంద్ర పాలిత ప్రాంతాల ముఖ్యమంత్రులు లేదా మంత్రులను పదవి నుంంచి తొలగించే విశేషాధికారాన్ని గవర్నర్లు, లెఫ్టినెంట్‌ గవర్నర్లకు ఈ వివాదాస్పద బిల్లులు కల్పిస్తున్నాయి.

న్యూఢిల్లీ, ఆగస్టు 20: కేంద్ర హోం మంత్రి అమిత్‌ షా బుధవారం లోక్‌సభలో ప్రవేశపెట్టిన రాజ్యాంగ(130వ సవరణ) బిల్లు, 2025 ప్రకారం ఐదేళ్లు అంతకు మించి శిక్ష పడే అవకాశం ఉన్న నేరాలకు సంబంధించిన కేసులలో అరెస్టయి వరుసగా 30 రోజులకు మించి కస్టడీలో ఉన్న పక్షంలో రాష్ర్టాలు, కేంద్ర పాలిత ప్రాంతాల ముఖ్యమంత్రులు లేదా మంత్రులను పదవి నుంంచి తొలగించే విశేషాధికారాన్ని గవర్నర్లు, లెఫ్టినెంట్‌ గవర్నర్లకు ఈ వివాదాస్పద బిల్లులు కల్పిస్తున్నాయి.

• ప్రజా జీవితంలో అవినీతి, అక్రమాలను నిరోధించేందుకే ఈ చారిత్రాత్మక అడుగు వేసినట్లు నరేంద్ర మోదీ ప్రభుత్వం చెబుతోంది. తుది తీర్పు వచ్చేంత వరకు ఎదురుచూడకుండా 30 రోజులకు మించి కస్టడీలో ఉన్న ముఖ్యమంత్రి లేదా మంత్రులను పదవుల నుంచి తొలగించే సంపూర్ణ అధికారం గవర్నర్‌ లేదా ఎల్జీకి ఉంటుంది.
• ముఖ్యమంత్రి సిఫార్సు మేరకు 31వ రోజు కస్టడీలో ఉన్న మంత్రులను గవర్నర్‌ లేదా ఎల్జీ పదవి నుంచి తొలగిస్తారని హోం మంత్రి అమిత్‌ షా బిల్లును ప్రవేశపెడుతున్న సందర్భంగా తెలిపారు. గవర్నర్‌కు సీఎం సిఫార్సు చేయనప్పటికీ 31వ రోజున మంత్రి తన పదవిని కోల్పోయినట్లుగానే పరిగణించాలి.
• ముఖ్యమంత్రికి సంబంధించి అరెస్టయి కస్టడీలో 30 రోజులు ఉన్న తర్వాత 31వ రోజున సీఎం తన పదవికి రాజీనామా చేయాలి. రాజీనామా చేయని పక్షంలో సీఎంని గవర్నర్‌ లేదా ఎల్జీ తొలగిస్తారు.
• ప్రధాని, కేంద్ర మంత్రులను తొలగించే అధికారం రాష్ట్రపతికి సంక్రమిస్తుంది. 30 రోజులపాటు కస్టడీలో ఉన్న పక్షంలో ప్రధాని, కేంద్ర మంత్రులను వారి పదవుల నుంచి రాష్ట్రపతి తప్పిస్తారు. సీఎంలు, రాష్ట్ర మంత్రులను తొలగించడానికి నిర్దేశించిన నిబంధనలే ప్రధానికి, కేంద్ర మంత్రులకు కూడా వర్తిస్తాయి.