Gaurav Gogoi | అస్సాం సీఎం వ్యాఖ్యలపై చట్టపరంగా ముందుకు వెళ్తాం : గౌరవ్‌ గొగోయ్‌

Gaurav Gogoi | లోక్‌సభలో కాంగ్రెస్‌ పక్ష ఉపనేత గౌరవ్‌ గొగోయ్‌ (Gaurav Gogoi) కి, ఆయన భార్యకు పాకిస్థానీ ఏజెంట్‌ అలీ తౌఖీర్‌ షేక్‌ (Ali Thouqeer Sheik) తో సంబంధాలు ఉన్నాయని అస్సాం సీఎం హిమంత బిశ్వశర్మ (Himanta Biswa Sarma) చేసిన ఆరోపణలపై గొగోయ్‌ స్పందించారు.

Gaurav Gogoi : లోక్‌సభలో కాంగ్రెస్‌ పక్ష ఉపనేత గౌరవ్‌ గొగోయ్‌ (Gaurav Gogoi) కి, ఆయన భార్యకు పాకిస్థానీ ఏజెంట్‌ అలీ తౌఖీర్‌ షేక్‌ (Ali Thouqeer Sheik) తో సంబంధాలు ఉన్నాయని అస్సాం సీఎం హిమంత బిశ్వశర్మ (Himanta Biswa Sarma) చేసిన ఆరోపణలపై గొగోయ్‌ స్పందించారు. 2013లో తన పాకిస్థాన్‌ పర్యటన గురించి సిట్‌ అధికారులు తనను ఎన్నడూ ప్రశ్నించలేదని అన్నారు.

ప్రజల మధ్యలో మతపరమైన విద్వేషాలు సృష్టించేందుకు హిమాంత శర్మ ఓ వర్గాన్ని లక్ష్యంగా చేసుకుంటున్నారని ఆరోపించారు. తన భార్య, మైనర్‌ పిల్లలపై అసంబద్ధమైన ఆరోపణలు చేసినందుకుగాను అస్సాం సీఎం వ్యాఖ్యలపై చట్టపరంగా ముందుకు వెళ్తామన్నారు. ఆయన మాట్లాడిన వీడియో ఆధారంగా కేసు నమోదు చేయాలని పోలీసులను కోరారు. తన భార్య ఉద్యోగ సంబంధమైన పని కోసం పాకిస్థాన్‌ పర్యటనకు వెళ్లిందని తెలిపారు.