Fake Notes | రూ.500 నోట్లతో జాగ్రత్త.. నకిలీ నోట్లను గుర్తించండిలా..

దేశంలో నకిలీ నోట్ల చెలామణిపై కేంద్రం హెచ్చరికలు జారీచేసింది. రూ.500 దొంగ నోట్ల చెలామణిపై దర్యాప్తు సంస్థలను అలర్ట్‌ చేసింది. దొంగ నోట్లు అచ్చం అసలు నోట్ల లాగానే ఉన్నాయని తెలిపింది. వాటిని గుర్తించడం కూడా కష్టంగా మారిందని పేర్కొంది.

• అసలైన వాటిలాగే ఫేక్‌ నోట్లు
• వాటిని గుర్తించడం కూడా కష్టమే
• కేంద్ర హోం శాఖ హెచ్చరికలు

Fake Notes | ఢిల్లీ : దేశంలో నకిలీ నోట్ల చెలామణిపై కేంద్రం హెచ్చరికలు జారీచేసింది. రూ.500 దొంగ నోట్ల చెలామణిపై దర్యాప్తు సంస్థలను అలర్ట్‌ చేసింది. దొంగ నోట్లు అచ్చం అసలు నోట్ల లాగానే ఉన్నాయని తెలిపింది. వాటిని గుర్తించడం కూడా కష్టంగా మారిందని పేర్కొంది. నిఘా పెంచాలని సీబీఐ, ఎన్‌ఐఏ, డైరెక్టరేట్‌ ఆఫ్‌ రెవెన్యూ ఇంటెలిజెన్స్‌, సెబీ, ఫైనాన్షియల్‌ ఇంటెలిజెన్స్‌ యూనిట్‌ లకు కేంద్రం ఆదేశాలు జారీచేసింది.

‘E’కి బదులు ‘A’

నకిలీ నోట్లు అచ్చం అసలైన నోట్ల లాగానే ఉన్నట్టు తెలుస్తున్నది. రెండింటి మధ్య చిన్నచిన్న వ్యత్యాసాలు మాత్రమే ఉన్నట్టు సమాచారం. నకిలీ నోట్లలో ‘RESERVE BANK OF INDIA’లోని ‘RESERVE’ అనే పదంలో ‘E’కి బదులు ‘A’ ఉన్నట్టు తెలుస్తున్నది. ఈ నేపథ్యంలో నకిలీ నోట్లను గుర్తించేందుకు ప్రజలకు కేంద్రం, దర్యాప్తు సంస్థలు పలు సూచనలు ఇచ్చాయి. అందుకు ముఖ్యంగా ఐదు మార్గాలను సూచించాయి.

నకిలీ నోట్లను ఎలా గుర్తించాలంటే..

• ఒరిజినల్‌ నోట్లలో ఈ కింది ఫీచర్లు ఉంటాయి. అవి లేకపోతే ఫేక్‌ నోట్లు.
• ‘రిజర్వ్‌ బ్యాంక్‌ ఆఫ్‌ ఇండియా’ పదంలోని స్పెల్లింగ్‌ను స్పష్టంగా పరిశీలించాలి.
• అసలైన నోట్లపై సెక్యూరిటీ థ్రెడ్‌ ఉంటుంది. నోటును కొంచెం పక్కకు తిప్పితే అది ఆకుపచ్చ రంగు నుంచి నీలంలోకి మారుతుంది. అంతేకాదు, దానిపై ‘భారత్‌, ఆర్‌బీఐ’ అనే పదాలు ఉంటాయి.
• నోటును వెలుతురులో గమనిస్తే మహాత్మాగాంధీ వాటర్‌మార్క్‌ కనిపిస్తుంది. ఎలక్ట్రోటైప్‌ వాటర్‌మార్క్‌ రూపంలో 500 అంకె కనిపిస్తుంది.
• అసలైన రూ.500 నోట్లలో మహాత్మాగాంధీ ఫొటో, అశోక స్థూపం, ఐడెంటిఫికేషన్‌ మార్క్‌ లాంటి కీలకమైనవి ఇంటాగ్లియో ప్రింటింగ్‌లో (ఉబ్బినట్టుగా లేదా ఎత్తుగా) ఉంటాయి.
• ఆర్‌బీఐ మొబైల్‌ యాప్‌ మని(ఎంఏఎన్‌ఐ)లో చెక్‌ చేసుకోవచ్చు. లేదా యూవీ లైట్‌లో చెక్‌ చేస్తే సెక్యూరిటీ థ్రెడ్‌, సీరియల్‌ నంబర్‌ లాంటివి మెరుస్తాయి.