బెంగళూర్ : టెక్ సిటీ బెంగళూర్లో ఇన్నోవేటివ్ వెహికల్ వాహనదారుల దృష్టిని ఆకర్షించింది. నగర రోడ్లపై దూసుకెళుతున్న ఈ వెహికల్ వీడియో నెటిజన్లనూ విశేషంగా ఆకట్టుకుంటోంది. రేవంత్ అనే నెటిజన్ ఈ వాహనం వీడియో, ఫొటోలను ట్విట్టర్లో షేర్ చేశారు.
Now this is some @peakbengaluru stuff. Met this guy near JP Nagar. Human powered vehicle from Netherlands. pic.twitter.com/r1whYjPQlX
— Revanth (@RevanthD18) January 22, 2023
జేపీనగర్లో ఈ వాహనదారుడిని కలిశాను..నెదర్లాండ్స్ నుంచి దిగుమతి చేసుకున్న హ్యూమన్ పవర్డ్ వెహికల్ అని వీడియోకు క్యాప్షన్ ఇచ్చారు. ఈ వీడియోలో ఒకే సీటు కలిగిన మూడు చక్రాల వాహనం బెంగళూర్ రోడ్లపై దూసుకెళుతుండటం కనిపించింది. వెలోమొబైల్ అని పిలిచే ఈ వాహనం యజమాని ఫణీష్ నాగరాజ.
ఇది సాధారణ సైకిల్ తరహాలో ఉంటుందని, దీనికి పవర్ అసిస్టెన్స్, కన్వర్షన్ ఉండవని ఓ ట్వీట్కు బదులిస్తూ నాగరాజ వివరించారు. ఈ వాహనాన్ని ఏదో ఒక రోజు తాము నడుపుతామని పలువురు యూజర్లు రాసుకొచ్చారు. అయితే గతుకుల రోడ్లపై ఈ వాహనం భద్రత అనుమానాస్పదమేనని మరికొందరు యూజర్లు కామెంట్స్ సెక్షన్లో పేర్కొన్నారు.