Watch: కస్టమర్‌గా నటించి.. బంగారు గొలుసులు ఎత్తుకెళ్లిన వ్యక్తి

Man Ran away with Gold Chains | ఒక వ్యక్తి కస్టమర్‌గా నటించాడు. సూటు, బూటు ధరించి జ్యూయలరీ షాపులోకి ప్రవేశించాడు. గోల్డ్‌ చైన్స్‌ కొనుగోలు పేరుతో వాటిని పరిశీలించాడు. షాపు ఓనర్‌, సిబ్బంది పరధ్యానంలో ఉండటం చూసి మూడు బంగారు గొలుసులతో పారిపోయాడు.

November 29, 2025 / 08:39 PM IST

Watch: కస్టమర్‌గా నటించి.. బంగారు గొలుసులు ఎత్తుకెళ్లిన వ్యక్తి

లక్నో: ఒక వ్యక్తి కస్టమర్‌గా నటించాడు. సూటు, బూటు ధరించి జ్యూయలరీ షాపులోకి ప్రవేశించాడు. గోల్డ్‌ చైన్స్‌ కొనుగోలు పేరుతో వాటిని పరిశీలించాడు. షాపు ఓనర్‌, సిబ్బంది పరధ్యానంలో ఉండటం చూసి మూడు బంగారు గొలుసులతో పారిపోయాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Man Ran away with Gold Chains) ఉత్తరప్రదేశ్‌లోని బదౌన్ జిల్లాలో ఈ సంఘటన జరిగింది. శుక్రవారం ఉదయం 11.30 గంటల సమయంలో సదర్ కొత్వాలి ప్రాంతంలోని హల్వాయి చౌక్‌లో ఉన్న జుగల్ కిషోర్ ప్రహ్లాది లాల్ జ్యువెలర్స్‌లోకి ఒక వ్యక్తి ప్రవేశించాడు. బ్లాక్‌ జీన్స్, బ్లాక్‌ కోటుతోపాటు బూట్లు వేసుకున్న అతడు ఒకటిన్నర తులాల బరువున్న బంగారు గొలుసులను చూపించమని అడిగాడు.

కాగా, కొనుగోలుదారుడిగా నమ్మిన షాపు యజమాని, సిబ్బంది ఆ వ్యక్తికి గోల్డ్‌ చైన్స్‌ చూపించారు. డిజైన్లు చూసిన అతడు ప్రశ్నలతో వారిని ముంచెత్తాడు. కొంతసేపు తర్వాత బంగారు ఆభరణాల కోసం కొంత మంది ఆ షాపులోకి వచ్చారు. ఈ బిజీలో షాపు యజమాని, సిబ్బంది పరధ్యానంలో ఉండడాన్ని ఆ వ్యక్తి గమనించాడు. బాక్స్‌లో ఉన్న మూడు బంగారు గొలుసులను చేజిక్కుంచుకుని పక్కన కూర్చొన్న మహిళను తోసుకుని ఆ షాపు నుంచి వేగంగా బయటకు పారిపోయాడు. జనంలో కలిసిపోయి మాయమయ్యాడు.

మరోవైపు షాపు యజమాని ఇది చూసి షాక్‌ అయ్యాడు. గోల్డ్‌ చైన్స్‌ చోరీపై పోలీసులకు ఫిర్యాదు చేశాడు. దీంతో వారు అక్కడకు చేరుకున్నారు. జ్యుయలరీ షాపులో ఉన్న సీసీటీవీ ఫుటేజ్‌ను పరిశీలించారు. గోల్డ్‌ చైన్స్‌తో పారిపోయిన నిందితుడ్ని గుర్తించేందుకు పోలీసులు ప్రయత్నిస్తున్నారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

यूपी – जिला बदायूं में एक कस्टमर ज्वेलरी शॉप से सोने की 3 चेन उठाकर भाग निकला !! pic.twitter.com/WyO3e7Hxj5

— Sachin Gupta (@SachinGuptaUP) November 28, 2025