Visit:
కోల్‌కతా: ఒక వ్యక్తి సరదా కోసం ఏనుగు తోక లాగాడు. దానిని రెచ్చగొట్టేందుకు ప్రయత్నించాడు. (Man Pulls Elephant’s Tail) దీంతో ఆ ఏనుగు అతడిపై దాడికి యత్నించింది. అయితే దూరంగా ఉన్న కొందరు వ్యక్తులు దానిపైకి రాళ్లు విసిరారు. మరింతగా రెచ్చగొట్టేందుకు ప్రయత్నించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. పశ్చిమ బెంగాల్‌లోని మెదినీపూర్‌ జిల్లాలో ఈ సంఘటన జరిగింది. ఏనుగుల గుంపు ఆహారం కోసం అటవీ సమీప గ్రామాల్లో సంచరించాయి. కొందరు వ్యక్తులు వాటిని చూశారు.
కాగా, ఎత్తైన రోడ్డుపై ఉన్న ఏనుగు వెనుక వైపునకు ఒక వ్యక్తి వెళ్లాడు. సరదా కోసం దాని తోక పట్టుకుని లాగాడు. ఆ ఏనుగును రెచ్చగొట్టేందుకు అతడు ప్రయత్నించాడు. ఆగ్రహించిన అది అతడిపై దాడికి ప్రయత్నించగా తప్పించుకున్నాడు. అయితే దూరంగా ఉన్న మరికొందరు వ్యక్తులు ఆ ఏనుగుపై రాళ్లు రువ్వారు. దానిని మరింత రెచ్చగొట్టేందుకు ప్రయత్నించారు.
మరోవైపు ‘స్ట్రీట్‌ డాగ్స్‌ ఆఫ్‌ బాంబే’ ఇన్‌స్టాగ్రామ్‌లో పోస్ట్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో ఏనుగును రెచ్చగొట్టేందుకు ప్రయత్నించిన వ్యక్తులపై నెటిజన్లు మండిపడ్డారు. అటవీశాఖ అధికారులు ఏం చేస్తున్నారని కొందరు ప్రశ్నించారు. వారిపై చర్యలు తీసుకోవాలని మరికొందరు డిమాండ్‌ చేశారు.
View this post on Instagram
Also Read:
Watch: ‘జై శ్రీరామ్’ నినాదాలు చేసిన ముస్లిం మహిళా పోలీస్‌ అధికారిణి.. ఎందుకంటే?
Stealing Newborn | ప్రభుత్వ ఆసుపత్రిలో శిశువు అపహరణ.. తల్లి, కుమార్తె అరెస్ట్‌
