Mamata Banerjee | బెంగాల్ ఉద్యోగులకు దీదీ తీపికబురు.. దుర్గాదేవి ఉత్సవాలకు 11 రోజుల సెలవులు
Mamata Banerjee | బెంగాల్ ఉద్యోగులకు 11 రోజులు అదనపు సెలవులొచ్చాయి. నవరాత్రి ఉత్సవాలకు సీఎం మమతాబెనర్జీ ఈ సంగతి చెప్పారు.
Mamata Banerjee | పశ్చిమ బెంగాల్ సర్కార్ ఈ ఏడాది దుర్గాదేవీ నవరాత్రి ఉత్సవాలు అంగరంగ వైభవంగా నిర్వహించడానికి సన్నద్ధమైంది. ఈ నేపథ్యంలో మండపాల నిర్వాహకులకు సీఎం మమతా బెనర్జీ వరాలు కురిపించారు. ప్రభుత్వోద్యోగులకూ వరుసగా 11 రోజులు దసరా సెలవులు ప్రకటించారు. ఉత్సవాల ఏర్పాట్లపై దుర్గాపూజ మండపాల నిర్వాహకులతో ఆమె సమావేశమయ్యారు. వచ్చేనెల 30 నుంచి అక్టోబర్ 10 వరకు ప్రభుత్వ సెలవులు ప్రకటించారు. దీంతో ప్రభుత్వోద్యోగులకు 11 రోజులు సెలవులు వస్తాయి. ఇప్పటివరకు ప్రతియేటా వచ్చే దుర్గాదేవి మండపాలకు ప్రభుత్వం ఇచ్చే నిధులు రూ.50 వేల నుంచి రూ.60 వేలకు పెంచుతున్నట్లు మమతా బెనర్జీ తెలిపారు. మండపాలకు వినియోగించే విద్యుత్ బిల్లుల్లో 50 శాతం డిస్కౌంట్ 60 శాతానికి పెంచుతున్నట్లు చెప్పారు. రిజిస్టర్డ్ దుర్గాదేవి మండపాలు 40 వేలకు పైగా ఉంటాయి.
దుర్గాదేవీ నవరాత్రి ఉత్సవాల సందర్భంగా పశ్చిమ బెంగాల్ సర్కార్ ప్రతియేటా సెలవులు ఇస్తుంది. అక్టోబర్లో నవరాత్రి ఉత్సవాల సెలవులతోపాటు ఇతర సెలవులు కలిసి 16 రోజులు సెలవులు వచ్చాయి. గతేడాది నవరాత్రి, ఇతర సెలవులతో కలిపి వివిధ శాఖల్లో పని చేసే రాష్ట్ర ఉద్యోగులకు 16 రోజుల సెలవులు వచ్చాయి. ఈ ఏడాది అది 22 రోజులకు చేరనున్నది. కాళీ పూజ, దీపావళి పండుగతోపాటు 11 రోజుల దుర్గాదేవి ఉత్సవాలు, సాధారణ సెలవులతో కలిపి మొత్తం 22 రోజులు ప్రభుత్వోద్యోగులకు సెలవులు వస్తాయి.
సర్కార్ ఆధ్వర్యంలో పశ్చిమబెంగాల్లో అంగరంగ వైభవంగా జరిగే దుర్గాదేవి నవరాత్రి ఉత్సవాలు రెండేండ్లుగా సాదాసీదాగా జరిగాయి. కానీ, ఈ ఏడాది దుర్గాదేవి నవరాత్రి ఉత్సవాలకు పూర్వ వైభవం తేవాలని మమతా బెనర్జీ సర్కార్ భావిస్తున్నది. దుర్గాదేవి నవరాత్రి ఉత్సవాలకు యునెస్కో వారసత్వ ట్యాగ్ ఇవ్వడంతో మమతా బెనర్జీ ఈ ఏడాది అట్టహాసంగా వాటిని నిర్వహించనున్నది.
Read Today's Latest National News in Telugu and Telugu News
RELATED ARTICLES
తాజా వార్తలు
Mysaa | 29 ఏళ్ల తర్వాత మళ్లీ కలిసిన వందేమాతరం – సుద్దాల.. ‘మైసా’ నుంచి పవర్ఫుల్ విప్లవ గీతం నేడే!
IND vs NZ | కివీస్కు దీటుగా జవాబిస్తున్న టీమిండియా.. రెండో రోజు ఆట ముగిసే సమయానికి స్కోర్ ఎంతంటే..
NHRC | తెలంగాణలో ప్రభుత్వ దవాఖానల దుస్థితిపై జాతీయ మానవ హక్కుల కమిషన్ సీరియస్
Vishwambhara | ఎట్టకేలకు ఊపందుకున్న మెగాస్టార్ ‘విశ్వంభర’.. ట్రైలర్ రెడీ, రిలీజ్ డేట్ ఎప్పుడో?
లిఫ్ట్ అడిగి ఫోన్ దొంగలించేందుకు యత్నం.. యువకుడి గొంతు కోసిన దుండగుడు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

