గీతాలాపనలో మహారాష్ట్ర వర్సిటీ గిన్నిస్‌ రికార్డ్‌

సంత్‌ తుకడోజీ మహారాజ్‌ 57వ జయంతి సందర్భంగా రాష్ర్ట్‌సంత్‌ తుకడోజీ మహరాజ్‌ నాగ్‌పూర్‌ విశ్వవిద్యాలయం ‘యా భారత్‌ బంధుభావ్‌' అనే గీతాన్ని 52 వేల మందితో ఆలపించి గిన్నిస్‌ రికార్డ్‌ సాధించింది.

ముంబై, అక్టోబర్‌ 12 (నమస్తే తెలంగాణ): సంత్‌ తుకడోజీ మహారాజ్‌ 57వ జయంతి సందర్భంగా రాష్ర్ట్‌సంత్‌ తుకడోజీ మహరాజ్‌ నాగ్‌పూర్‌ విశ్వవిద్యాలయం ‘యా భారత్‌ బంధుభావ్‌’ అనే గీతాన్ని 52 వేల మందితో ఆలపించి గిన్నిస్‌ రికార్డ్‌ సాధించింది. శనివారం జరిగిన ఈ కార్యక్రమానికి కేంద్ర మంత్రి నితిన్‌ గడరీ, రాష్ట్ర మంత్రులు డాక్టర్‌ పంకజ్‌ భోయార్‌, ఆశిష్‌ జైస్వాల్‌ తదితరులు హాజరయ్యారు.

ఈ గీతాలాపనలో 16 వేల మంది ప్రత్యక్షంగా విశ్వవిద్యాలయ ప్రాంగణంలో పాల్గొనగా, మరో 52 వేల మందికి పైగా ఆన్‌లైన్‌ ద్వారా ఈ గానంలో భాగమయ్యారు. ఒకేసారి ఇంతమంది ఒక విశ్వవిద్యాలయ గీతాన్ని ఆలపించడం అత్యంత పెద్ద ఆన్‌లైన్‌ వీడియో ఆల్బమ్‌ కేటగిరీలో ప్రపంచ రికార్డుగా నమోదైంది.