వేతనం 13 వేలే.. ప్రియురాలికి 4 బీహెచ్‌కే ఫ్లాట్‌

హర్షల్‌కుమార్‌ క్షీర్‌సాగర్‌.. ముంబైలో మహారాష్ట్ర ప్రభుత్వ ఆధ్వర్యంలో శంభాజీనగర్‌లో నడిచే స్పోర్ట్స్‌ కాంప్లెక్స్‌లో తాత్కాలిక కంప్యూటర్‌ ఆపరేటర్‌. 23 ఏండ్ల అతని జీతం రూ.13 వేలు. హర్షల్‌ సంస్థలో భారీ మోసానికి తెరతీసి రూ.21 కోట్లను కొట్టేశాడు. పరారీలో ఉన్న హర్షల్‌ ఆ సొమ్ముతో లగ్జరీ కార్లు, బైక్‌, ప్రియురాలికి 4బీహెచ్‌కే ఫ్లాట్‌ కొని జల్సాలు చేశాడు.

• వజ్రాల కళ్లజోడు గిఫ్ట్‌
• మహారాష్ట్ర ప్రభుత్వ సంస్థకు 27 కోట్లు టోకరా

ముంబై , డిసెంబర్‌ 26 (నమస్తే తెలంగాణ) : హర్షల్‌కుమార్‌ క్షీర్‌సాగర్‌.. ముంబైలో మహారాష్ట్ర ప్రభుత్వ ఆధ్వర్యంలో శంభాజీనగర్‌లో నడిచే స్పోర్ట్స్‌ కాంప్లెక్స్‌లో తాత్కాలిక కంప్యూటర్‌ ఆపరేటర్‌. 23 ఏండ్ల అతని జీతం రూ.13 వేలు. హర్షల్‌ సంస్థలో భారీ మోసానికి తెరతీసి రూ.21 కోట్లను కొట్టేశాడు. పరారీలో ఉన్న హర్షల్‌ ఆ సొమ్ముతో లగ్జరీ కార్లు, బైక్‌, ప్రియురాలికి 4బీహెచ్‌కే ఫ్లాట్‌ కొని జల్సాలు చేశాడు. సంస్థ ఈ-మెయిల్‌ అడ్రస్‌ను పోలి ఉండేలా మరో నకిలీ ఈ మెయిల్‌ను సృష్టించి, సంస్థ పాత లెటర్‌హెడ్‌ను ఉపయోగించి ప్రస్తుత ఈ-మెయిల్‌ చిరునామా మార్చాలంటూ బ్యాంక్‌కు లేఖ రాశాడు. వారు మార్చడంతో బ్యాంక్‌ ఖాతాలకు సంబంధించిన ఓటీపీలు కొత్త ఈ-మెయిల్‌కే వచ్చేవి. తర్వాత ఇంటర్నెట్‌ బ్యాంకింగ్‌ సౌకర్యాన్ని ఉపయోగించి జూలై 1 నుంచి డిసెంబర్‌ 7 వరకు రూ.21.6 కోట్లను 13 బ్యాంక్‌ ఖాతాలకు తరలించాడు. రూ.1.2 కోట్లతో బీఎండబ్ల్యూ కారు, రూ.1.3 కోట్లతో ఎస్‌యూవీ, 32 లక్షలతో బీఎండబ్ల్యూ బైక్‌, గర్ల్‌ఫ్రెండ్‌కు 4 బెడ్రూంల ఫ్లాట్‌ను కొనుగోలు చేశాడు. వజ్రాలు పొదిగిన సన్‌ గ్లాసెస్‌ను, జత గాజులను ఆర్డర్‌ చేశాడు. దీని వెనుక ఇతర సిబ్బంది హస్తం ఉండవచ్చునని పోలీసులు అనుమానిస్తున్నారు. ఈ కేసుకు సంబంధించి అతని సహోద్యోగి యశోదశెట్టి, ఆమె భర్తను పోలీసులు అరెస్ట్‌ చేశారు.