భోపాల్: అకస్మాత్తుగా గుండె ఆగినప్పుడు.. వైద్యులు సీపీఆర్ చికిత్స చేసే విషయం తెలిసిందే. సీపీఆర్ విధానం ద్వారా ఆక్సిజన్ అందిస్తారు. అయితే మధ్యప్రదేశ్కు చెందిన ఓ కానిస్టేబుల్.. పాముకు సీపీఆర్(Snake CPR) చేశాడు. ఆ ఘటనకు చెందిన వీడియో ఒకటి ప్రస్తుతం వైరల్ అవుతోంది. తన నోటి ద్వారా .. ఆ సర్పానికి గాలిని ఇస్తూ.. ఆ పాముకు ప్రాణం పోశాడు. క్రిమిసంహారకాలతో నిండిన నీటిని తాగిన పాము నిర్జీవంగా మారింది. ఆ సమయంలో కానిస్టేబుల్ ఆ సర్పానికి సీపీఆర్ చేసినట్లు తెలుస్తోంది.
మధ్యప్రదేశ్లోని నర్మదాపురంలో ఈ ఘటన జరిగింది. ఓ రెసిడెన్షియల్ కాలనీలో ఉన్న పైప్లైన్కు విషరహిత సర్పం ఎంటరైంది. ఆ పైప్లైన్ నుంచి సర్పాన్ని తీసేందుకు దాంట్లో క్రిమిసంహారక మందును వదిలారు. అయితే ఆ నీటిని తాగిన పాము పైప్లైన్ నుంచి బయటకు వచ్చింది. కానీ స్పృహ తప్పిన ఆ పాముకు స్థానిక కానిస్టేబుల్ అతుల్ శర్మ సీపీఆర్ చేసి రక్షించాడు. పామును పట్టుకుని పరీక్షించిన అతను, దాని శ్వాసను చెక్ చేశాడు. ఆ తర్వాత ఆ పాము నోట్లోకి గాలి ఊదాడు. క్రిమిసంహారక మందుతో నిండిన ఆ పాముపై నీళ్లు పోస్తూ శుభ్రం చేశాడు.
కానిస్టేబుల్ అతుల్ శర్మ గడిచిన 15 ఏళ్లలో సుమారు 500 పాముల్ని పట్టుకున్నాడు. డిస్కరీ ఛానల్ను చూసి పాముల సంరక్షణ గురించి తెలుసుకున్నట్లు అతను చెప్పాడు.
😲: Cop gives ‘CPR’ to unconscious snake, helps it survive‼️
——
⚡️WATCH: A police constable in Madhya Pradesh is the toast of animal lovers after giving CPR to a snake that had fallen unconscious after being drenched in pesticide-laced toxic water to flush it out of a house in… pic.twitter.com/U2jl1hi73z
— truth. (@thetruthin) October 26, 2023