Narayan Rane : కేంద్ర మంత్రి భార్య, కుమారుడిపై లుకౌట్‌ నోటీస్‌

Narayan Rane : మహారాష్ట్ర ముఖ్యమంత్రి ఉద్దవ్‌ ఠాక్రేపై అనుచిత వ్యాఖ్యలు చేసి కేంద్ర మంత్రి నారాయణ్ రాణే ఇటీవలనే వార్తల్లో వ్యక్తిగా నిలిచారు. కాగా, ఆయన భార్య, కుమారుడు కూడా వార్తల్లోకెక్కారు...

September 11, 2021 / 06:58 PM IST

Narayan Rane : కేంద్ర మంత్రి భార్య, కుమారుడిపై లుకౌట్‌ నోటీస్‌

ముంబై : మహారాష్ట్ర ముఖ్యమంత్రి ఉద్దవ్‌ ఠాక్రేపై అనుచిత వ్యాఖ్యలు చేసి కేంద్ర మంత్రి నారాయణ్ రాణే (Narayan Rane) ఇటీవలనే వార్తల్లో వ్యక్తిగా నిలిచారు. కాగా, ఆయన భార్య, కుమారుడు కూడా వార్తల్లోకెక్కారు. ముంవై పోలీసులు వీరిద్దిరిపై లుకౌట్ నోటీసు జారీ చేశారు. రుణం చెల్లించడంలో విఫలమైనందుకు రాణే భార్య నీలం రాణే, ఆయన కుమారుడు, ఎమ్మెల్యే నితేష్ రాణేపై పుణె పోలీసులు లుకౌట్ నోటీసు జారీ చేశారు. ముంబై ఎయిర్‌పోర్ట్ అధికారులకు ఈ నోటీసును ఈ నెల 3 న ఇచ్చారు.

పుణె పోలీసు డిప్యూటీ కమిషనర్ (క్రైమ్) శ్రీనివాస్ గాడ్గే ప్రకారం, రుణం చెల్లించకూడదనే ఉద్దేశంతో వీరిద్దరూ ఎప్పుడైనా దేశం విడిచి వెళ్లిపోవచ్చునని, అలాగే చట్టపరమైన చర్యలను నివారించడానికి ప్రయత్నించవచ్చును. ఆర్ట్ లైన్ ప్రాపర్టీస్ ప్రైవేట్‌, దివాన్ హౌసింగ్ ఫైనాన్స్ కార్పొరేషన్ లిమిటెడ్ (డీహెచ్‌ఎఫ్‌ఎల్‌) నుంచి రాణే భార్య నీలం రూ. 25 కోట్ల రుణం తీసుకున్నారు. అలాగే, నారాయణ రాణే స్వగ్రామం కంకవలిలో నిర్మించిన నీలం హోటల్ కోసం డీహెచ్‌ఎఫ్‌ఎల్‌ నుంచి రాణే కుమారుడు నితేష్ రాణే రూ.34 కోట్ల రుణం తీసుకున్నాడు.

ఈ రెండు రుణాలు తిరిగి చెల్లించనందున ఎన్‌పీఏగా మారాయి. రుణాలు ఎన్‌పీఏ అయిన తర్వాత, సదరు ఆర్థిక సంస్థలు కేంద్ర ప్రభుత్వానికి ఫిర్యాదు చేశాయి. దాంతో కేంద్రం ఆదేశాల మేరకు రాష్ట్ర ప్రభుత్వం ఈ లుకౌట్ నోటీసును జారీ చేసింది. కాగా, ఈ లుకౌట్ నోటీసు పరిధి పరిమితం అని, ఈ కేసులో అరెస్ట్ ప్రశ్న తలెత్తదని రాష్ట్ర హోం మంత్రి దిలీప్ వాల్సే పాటిల్ చెప్పారు.