LJP politics | వచ్చే ఎన్నికల్లో హజీపూర్ నుంచి పోటీ చేస్తామన్న చిరాగ్ పాశ్వాన్.. ఉత్తమాటలని కొట్టిపారేసిన కేంద్ర మంత్రి పశుపతి పరాస్
LJP politics | దివంగత రాంవిలాస్ పాశ్వాన్ స్థాపించిన లోక్ జనశక్తి పార్టీ (LJP) 2021లో ఆయన మరణానంతరం రెండు ముక్కలైంది. రాంవిలాస్ పాశ్వాన్ కుమారుడికి, తమ్ముడికి మధ్య విభేదాలు వచ్చాయి. దాంతో రాంవిలాస్ పాశ్వాన్ తమ్ముడు పశుపతి కుమార్ పరాస్ పార్టీని చీల్చాడు.
పట్నా: బీహార్లో ఎల్జేపీ చీలిక వర్గాల మధ్య మళ్లీ మాటల యుద్ధం మొదలైంది. ఎల్జేపీ రాంవిలాస్ వర్గం అధ్యక్షుడు చిరాగ్ పాశ్వాన్ తిరిగి ఎన్డీఏ కూటమిలో చేరడం, తన బాబాయ్ పశుపతి పరాస్ సిట్టింగ్ స్థానమైన హజీపూర్ నుంచి పోటీ చేస్తామని ప్రకటించడం తాజా వివాదానికి కారణమైంది. ఇప్పుడు పార్టీ చీలిక వర్గాలు రెండూ ఎన్డీఏ కూటమిలోనే ఉండటంతో భవిష్యత్తులో వీరి రాజకీయ వ్యూహాలు ఎలా ఉంటాయోననే విషయంపై రాజకీయ వర్గాల్లో ఆసక్తి నెలకొన్నది.
వివరాల్లోకి వెళ్తే.. దివంగత రాంవిలాస్ పాశ్వాన్ స్థాపించిన లోక్ జనశక్తి పార్టీ (LJP) 2021లో ఆయన మరణానంతరం రెండు ముక్కలైంది. రాంవిలాస్ పాశ్వాన్ కుమారుడికి, తమ్ముడికి మధ్య విభేదాలు వచ్చాయి. దాంతో రాంవిలాస్ పాశ్వాన్ తమ్ముడు పశుపతి కుమార్ పరాస్ పార్టీని చీల్చాడు. ఆ పార్టీకి చెందిన ఐదుగురు ఎంపీల్లో నలుగురిని తనవైపు తిప్పుకున్నారు. అనంతరం తనను తాను ఎల్జేపీ జాతీయ అధ్యక్షుడిగా ప్రకటించుకున్నారు.
మరోవైపు తనదే అసలైన ఎల్జేపీ తమదేనని రాంవిలాస్ పాశ్వాన్ కుమారుడు చిరాగ్ పాశ్వాన్ ప్రకటించారు. ప్రస్తుతం ఎల్జేపీ రాంవిలాస్ పాశ్వాన్ వర్గంలో చిరాగ్ పాశ్వాన్ ఒక్కడే ఎంపీగా ఉన్నాడు. ఇదిలావుంటే ఎల్జేపీని చీల్చిన పశుపతి పరాస్ను బీజేపీ కేంద్ర క్యాబినెట్లో చేర్చుకుని పశుసంవర్ధక శాఖ బాధ్యతలు అప్పగించింది. దాంతో చిరాగ్ పాశ్వాన్ ఎన్డీఏ నుంచి బయటికి వచ్చాడు.
ఈ నేపథ్యంలో అతను సోమవారం తిరిగి ఎన్డీఏ గూటికి చేరారు. ఈ మేరకు జేపీ నడ్డాను కలిసి మాట్లాడారు. అనంతరం మీడియాతో మాట్లాడుతూ.. వచ్చే లోక్సభ ఎన్నికల్లో తన తండ్రి పార్లమెంటరీ నియోజకవర్గమైన హజీపూర్ నుంచి పోటీచేస్తామని చిరాగ్ ప్రకటించారు. అయితే ప్రస్తుతం చిరాగ్ పినతండ్రి అయిన పశుపతి పరాస్ హజీపూర్ సిట్టింగ్ ఎంపీగా ఉన్నారు.
దాంతో చిరాగ్ పాశ్వాన్ వ్యాఖ్యలను పరాస్ ముందు ప్రస్తావించగా అవన్నీ ఉత్తమాటలని కొట్టిపారేశారు. నా నియోజకవర్గ ప్రజలను చిరాగ్ పాశ్వాన్ మభ్యపెట్టలేడని వ్యాఖ్యానించారు. నా నియోజకవర్గంలో తన అభ్యర్థిని నాపై పోటీ పెట్టి గెలువడం చిరాగ్కు అసాధ్యమని పేర్కొన్నాడు.
Read Today's Latest National News in Telugu and Telugu News
RELATED ARTICLES
తాజా వార్తలు
Crop Bonus | ధాన్యం రైతుకు యాప్ దగా.. బోనస్ ఎగవేతకు సర్కార్ ఉద్దేశపూర్వక జాప్యం
సాగర్కు ఏపీ కన్నం.. రిజర్వాయర్ నుంచి నేరుగా టన్నెల్.. తాగునీటి ముసుగులో జలదోపిడీకి స్కెచ్
Horoscope | 16-11-2026 సోమవారం.. మీ రాశి ఫలాలు
ఓడిన రేవంత్ నిరంకుశత్వం
‘భరోసా’కు నిధుల్లేవు.. సమ్మిట్లకు కోట్లు ఖర్చా?
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

