Karnataka | మంత్రి నాగేంద్ర రాజీనామా చేయాల్సిందే.. కర్ణాటక అసెంబ్లీలో నిరసనలు

వాల్మీకి కార్పొరేషన్‌ కుంభకోణానికి బాధ్యత వహిస్తూ మంత్రి బీ నాగేంద్ర రాజీనామా చేయాలంటూ కర్ణాటక అసెంబ్లీలో ప్రతిపక్షాలు ఆరో రోజూ నిరసనలు కొనసాగించాయి. సోమవారం ఉదయం సమావేశాలు ప్రారంభం అయిన వెంటనే ప్రతిపక్ష బీజేపీ, జేడీ(ఎస్‌) ఎమ్మెల్యేలు వెల్‌లోకి దూసుకెళ్లి ఆందోళన చేశారు.

బెంగళూరు : వాల్మీకి కార్పొరేషన్‌ కుంభకోణానికి బాధ్యత వహిస్తూ మంత్రి బీ నాగేంద్ర రాజీనామా చేయాలంటూ కర్ణాటక అసెంబ్లీలో ప్రతిపక్షాలు ఆరో రోజూ నిరసనలు కొనసాగించాయి. సోమవారం ఉదయం సమావేశాలు ప్రారంభం అయిన వెంటనే ప్రతిపక్ష బీజేపీ, జేడీ(ఎస్‌) ఎమ్మెల్యేలు వెల్‌లోకి దూసుకెళ్లి ఆందోళన చేశారు. నాగేంద్ర రాజీనామా చేయకపోతే అసెంబ్లీలో పగలు-రాత్రి నిరసన తెలుపుతామని ప్రధాన ప్రతిపక్ష నేత ఆర్‌ అశోకా వెల్లడించారు.

ప్రతిపక్షాల నిరసనల మధ్య స్పీకర్‌ జీఎస్‌ పాటిల్‌ సభా కార్యక్రమాలను కొనసాగించారు. ఎలాంటి చర్చ లేకుండానే ఐదు బిల్లులు ఆమోదం పొందాయి. కర్ణాటక మహర్షి వాల్మీకి ఎస్టీ అభివృద్ధి కార్పొరేషన్‌ నిధుల అక్రమాలపై ఆరోపణలు రావడంతో సిద్ధరామయ్య క్యాబినెట్‌లో మంత్రి పదవికి నాగేంద్ర రాజీనామా చేశారు. ఇప్పుడు డీకే శివకుమార్‌ క్యాబినెట్‌లో నాగేంద్ర ప్లానింగ్‌, గణాంకాల మంత్రిగా కొనసాగుతున్నారు.