6 నెలల్లో లక్ష మందిపై వేటు

కరోనా సంక్షోభం, ఆర్థిక మాంద్యం పేరిట టెక్‌ కంపెనీల్లో మొదలైన ఉద్యోగాల కోత ఇంకా కొనసాగుతున్నది. ఈ ఏడాది తొలి ఆరు నెలల్లోనే ఏకంగా లక్ష మందికి పైగా ఉద్యోగులకు సాఫ్ట్‌వేర్‌ కంపెనీలు ఉద్వాసన పలికాయి.

• టెక్‌ రంగంలో కొనసాగుతున్న ఉద్యోగ కోతలు
• మైక్రోసాఫ్ట్‌, అమెజాన్‌, ఐబీఎమ్‌, సీమెన్స్‌, మెటా వంటి దిగ్గజ కంపెనీల్లో వేలాది మందికి ఉద్వాసన
• ఏఐ వినియోగం పెరగడం, ఆర్థిక అస్థిరత్వమే కారణం
• కొత్త నైపుణ్యాలు పెంచుకోవడం అవసరం: నిపుణులు

(స్పెషల్‌ టాస్క్‌ బ్యూరో) హైదరాబాద్‌, జూలై 3 (నమస్తే తెలంగాణ): కరోనా సంక్షోభం, ఆర్థిక మాంద్యం పేరిట టెక్‌ కంపెనీల్లో మొదలైన ఉద్యోగాల కోత ఇంకా కొనసాగుతున్నది. ఈ ఏడాది తొలి ఆరు నెలల్లోనే ఏకంగా లక్ష మందికి పైగా ఉద్యోగులకు సాఫ్ట్‌వేర్‌ కంపెనీలు ఉద్వాసన పలికాయి.

10 మంది ఉద్యోగులు ఉన్న చిన్న స్టార్టప్‌ కంపెనీ నుంచి 16 లక్షల మంది ఉద్యోగులు ఉన్న అమెజాన్‌ వరకూ ఇలా ప్రతీ కంపెనీ ఉద్యోగులకు పింక్‌ స్లిప్‌ ఇచ్చి ఇంటికి పంపిస్తుండటం పారిశ్రామికవర్గాల్లో కలకలం సృష్టిస్తున్నది. ఈ ట్రెండ్‌ ఇలాగే కొనసాగితే ఆర్థిక, సామాజిక, పారిశ్రామిక రంగాల్లో పెను మార్పులు చోటుచేసుకొనే ప్రమాదం ఉన్నదని నిపుణులు హెచ్చరిస్తున్నారు.

ఉద్యోగ కోతలకు ప్రధాన కారణాలు

• కృత్రిమ మేధ (ఏఐ) వినియోగం పెరగడం
• ఆర్థిక అస్థిరత్వం
• లాభాల క్షీణత
• వినియోగదారుల నుంచి డిమాండ్‌లేకపోవడం
• వడ్డీరేట్లు పెరగడం
• ద్రవ్యోల్బణం
• ప్రపంచ దేశాల మధ్య ఉద్రిక్తతలు
• కంపెనీల లక్ష్యాలు, ప్రాథమ్యాల్లో మార్పులు, పునర్వ్యవస్థీకరణ

ఉద్యోగ భద్రతకు నిపుణుల సలహాలు, సూచనలు

• ఏఐ వంటి కొత్త సాంకేతికతలపై దృష్టి సారించాలి
• నైపుణ్యాలను మెరుగు పర్చుకోవాలి
• వినియోగదారుల అవసరాలు, అభిరుచులను గమనించాలి
• సంస్థ లక్ష్యాలు, ప్రాథమ్యాల్లో మార్పులను గుర్తిస్తూ మారాలి
• కీలక ప్రాజెక్టుల్లో ప్రత్యక్షంగా పాల్గొనే మెళకువలు అలవర్చుకోవాలి.

సంవత్సరాల వారీగా ఉద్యోగాల కోతలు ఇలా..

• 20221.65 లక్షలు 2023 2.64 లక్షలు
• 2024 1.52 లక్షలు2025 (తొలి ఆర్నెల్లలో)- లక్ష