Today History : ఇండియన్‌ పీనల్‌ కోడ్‌ ఆమోదించి నేటికి 161 ఏండ్లు

Today History : భారతీయ శిక్షాస్మృతి (ఇండియన్ పీనల్ కోడ్-ఐపీసీ) ని 1860 లో సరిగ్గా ఇదే రోజున ఆమోదించారు. 1862 జనవరి 1 నుంచి అమలు చేయడం మొదలుపెట్టారు...

October 10, 2021 / 04:18 PM IST

Today History : ఇండియన్‌ పీనల్‌ కోడ్‌ ఆమోదించి నేటికి 161 ఏండ్లు

(Today History) భారతీయ శిక్షాస్మృతి (ఇండియన్ పీనల్ కోడ్-ఐపీసీ) ని 1860 లో సరిగ్గా ఇదే రోజున ఆమోదించారు. 1862 జనవరి 1 నుంచి అమలు చేయడం మొదలుపెట్టారు. హత్య మొదలుకొని అత్యాచారం వరకు.. దొంగతనం నుంచి పరువు నష్టం వరకు.. ప్రతీ నేరానికి శిక్ష ఏమిటో ఇందులో స్పష్టంగా పేర్కొన్నారు. ఈ చట్టం అమలులోకి వచ్చి 159 ఏండ్లు పూర్తవుతున్నా.. నేటికీ దీనినే ప్రామాణికంగా తీసుకుని శిక్షలు విధిస్తుండటం విశేషం.

థామస్ మెకాలే నేతృత్వంలోని మొదటి లా కమిషన్ 1837 లో భారతీయ శిక్షాస్మృతిని రూపొందించడం ప్రారంభించింది. 1850 లో ముసాయిదా పూర్తవగా.. 1856 లో శాసనమండలికి సమర్పించారు. బార్న్స్ పీకాక్ డ్రాఫ్ట్‌లో అవసరమైన మార్పులు చేశారు. అనంతర కాలంలో పికాక్‌ కోల్‌కతా హైకోర్టు మొదటి ప్రధాన న్యాయమూర్తిగా నియమితులయ్యారు. ఆ సమయంలో ఐపీసీ తయారీదారుల మనసులో ఎక్కడో బానిస మనస్తత్వం ఉండేది. ఫలితంగా దేశద్రోహం వంటి అనేక విభాగాలు ఇప్పటికీ వివాదాస్పదంగా ఉన్నాయి.

1860 నుంచి ఐపీసీలోని అనేక సెక్షన్లను మార్చారు. అనేక సార్లు సవరణలు చేశారు. వరకట్నం మరణం నుంచి అనేక నేరాలు దీనిలో చేర్చారు. అనేక నేరాలను తొలగించారు. ఐపీసీ అనేది భారతీయ చట్టంలో అత్యంత డైనమిక్ అని చెప్పవచ్చు. వీటిలో అనేక సెక్షన్లు కోర్టుల జోక్యం తర్వాత తొలగించారు. ప్రస్తుతం ఐపీసీలో 23 అధ్యాయాల్లో 511 సెక్షన్లుగా విభజించబడి ఉన్నాయి.