Visit:
Bomb Threats | దేశంలో వరుస బాంబు బెదిరింపులు కలకలం రేపుతున్నాయి. ఇవాళ ఉదయం దేశ రాజధాని ఢిల్లీలోని ఏకంగా 44 పాఠశాలలకు ఇలాంటి బెదిరింపులు వచ్చిన విషయం తెలిసిందే. తాజాగా మహారాష్ట్రలోని ఓ హోటల్‌కు ఈ తరహా బెదిరింపులే వచ్చాయి.
నాగ్‌పూర్‌ (Nagpur)లోని గణేష్‌పేట్‌ కాలనీ ప్రాంతంలో గల హోటల్‌ ద్వారకామాయి (Hotel Dwarkamai)కి బాంబు బెదిరింపులు వచ్చాయి. ఆగంతకులు ఈ మెయిల్‌ ద్వారా బెదిరింపులకు పాల్పడ్డారు. అప్రమత్తమైన హోటల్‌ యాజమాన్యం వెంటనే పోలీసులకు సమాచారం అందించారు. రంగంలోకి దిగిన పోలీసులు బాంబ్‌ స్వ్కాడ్‌, డాగ్‌ స్వ్కాడ్‌తో ఘటనాస్థలికి చేరుకొని తనిఖీలు చేపట్టారు. అందులోని సిబ్బందిని బయటకు పంపించారు. అయితే, ఈ తనిఖీల్లో ఎలాంటి అనుమానాస్పద వస్తువులూ, పేలుడు పదార్థాలూ లభించలేదని నాగ్‌పూర్‌ పోలీస్‌ డీసీపీ రాహుల్‌ మక్నికర్‌ తెలిపారు. ఈ ఘటనపై విచారణ చేపట్టినట్లు వెల్లడించారు.
#WATCH | Nagpur: Nagpur Police DCP, Rahul Maknikar says, “A bomb threat mail was received at Hotel Dwarkamai in the Ganeshpeth Colony area of Nagpur. Police immediately reached the spot and we evacuated all the inmates. A detailed search has been conducted by the Bomb Detection… https://t.co/hKVVGT0cCh pic.twitter.com/zSvA7HnhAC
— ANI (@ANI) December 9, 2024
కాగా, సోమవారం ఉదయం ఢిల్లీలోని 44 పాఠశాలలకు ఇలాంటి బెదిరింపులే వచ్చిన విషయం తెలిసిందే. ఆర్కే పురంలోని ఢిల్లీ పబ్లిక్‌ స్కూల్‌ (DPS), పశ్చిమ్‌ విహార్‌లోని జీడీ గోయెంకా స్కూల్‌ సహా మొత్తం 44 పాఠశాలలకు ఈ మెయిల్స్‌ ద్వారా బెదిరింపులు వచ్చాయి. ఆయా పాఠశాలల ఆవరణలో బాంబులు అమర్చినట్లు ఆగంతకులు బెదిరింపులకు పాల్పడ్డారు. వాటిని పేల్చకుండా ఉండాలంటే 30 వేల డాలర్లు ఇవ్వాలని డిమాండ్‌ చేశారు. రంగంలోకి దిగిన పోలీసులు డాగ్‌ స్వ్కాడ్‌, బాంబ్‌ స్వ్కాడ్‌ సాయంతో ఆయా పాఠశాలల్లో తనిఖీలు చేపట్టారు. ఈ తనిఖీల్లో ఎలాంటి పేలుడు పదార్థాలు, అనుమానాస్పద వస్తువులూ కనిపించలేదని పోలీసులు తెలిపారు. కాగా, ఆదివారం అర్ధరాత్రి సమయంలో ఈ బెదిరింపులు వచ్చినట్లు గుర్తించారు. ఈ మేరకు ఘటనపై కేసు నమోదు చేసుకుని దర్యాప్తు చేపట్టారు.
Also Read..
Bomb Threat | ఢిల్లీలో 40కిపైగా పాఠశాలలకు బాంబు బెదిరింపులు.. 30 వేల డాలర్లు ఇవ్వాలంటూ డిమాండ్‌
Emergency Landing | కొచ్చి వెళ్తున్న విమానం చెన్నైలో ఎమర్జెన్సీ ల్యాండింగ్‌
Parliament | పార్లమెంట్‌ ఆవరణలో ఇండియా కూటమి ఎంపీల ఆందోళన.. తృణమూల్‌, ఎస్పీ దూరం
