బుల్డోజర్ రాజ్.. 3.5 లక్షల మంది పేదలను రోడ్డున పడేసిన బీజేపీ ప్రభుత్వాలు
దేశంలోని ప్రతి కుటుంబానికీ పక్కా ఇండ్లు నిర్మించి ఇస్తామని హామీలు గుప్పించిన బీజేపీ, లక్షల మంది పేదల కొద్దిపాటి నీడను కూడా ధ్వంసం చేస్తున్నది. విద్వేష రాజకీయాలతో బుల్డోజర్ రాజ్ను సృష్టించి మైనారిటీలతోపాటు ఎస్సీలు, ఎస్టీలు, వెనుకబడిన వర్గాలను కూడా రోడ్డున పడేస్తున్నది. కరోనా రెండోవేవ్లో దేశమంతా తల్లడిల్లుతున్న సమయంలో కూడా బీజేపీ పాలిత
- బీజేపీ ధ్వంస రచన
- రోజూ వంద ఇండ్లు కూల్చివేత
- గంటకు 24 మంది గెంటివేత
- ఆక్రమణల తొలగింపు పేరుతో అరాచకం
- మైనారిటీలు, బలహీనవర్గాలే లక్ష్యం
- 2022లో మరింత పెరిగిన విధ్వంసం
- హెచ్ఎల్ఆర్ఎన్ నివేదికలో వెల్లడి
న్యూఢిల్లీ, సెప్టెంబర్ 23: దేశంలోని ప్రతి కుటుంబానికీ పక్కా ఇండ్లు నిర్మించి ఇస్తామని హామీలు గుప్పించిన బీజేపీ, లక్షల మంది పేదల కొద్దిపాటి నీడను కూడా ధ్వంసం చేస్తున్నది. విద్వేష రాజకీయాలతో బుల్డోజర్ రాజ్ను సృష్టించి మైనారిటీలతోపాటు ఎస్సీలు, ఎస్టీలు, వెనుకబడిన వర్గాలను కూడా రోడ్డున పడేస్తున్నది. కరోనా రెండోవేవ్లో దేశమంతా తల్లడిల్లుతున్న సమయంలో కూడా బీజేపీ పాలిత రాష్ర్టాల్లో పేదల ఇండ్లను యథేచ్చగా కూల్చేసినట్టు హౌసింగ్ అండ్ ల్యాండ్ రైట్స్ నెట్వర్క్ (హెచ్ఎల్ఆర్ఎన్) తన నివేదికలో ఆక్షేపించింది. మైనారిటీలనే లక్ష్యంగా చేసుకొన్నట్టు కనిపించినప్పటికీ బుల్డోజర్ ధ్వంస రచనలో ఎస్సీ, ఎస్టీలు కూడా తీవ్రంగా నష్టపోయారని పేర్కొన్నది. నివేదిక పలు సంచలన విషయాలు బయటపెట్టింది.
రోజూ 567 మంది నిరాశ్రయులు
- 2021లో కేంద్రం, బీజేపీ అధికారంలో ఉన్న రాష్ర్టా ల్లో ప్రభుత్వాలు కలిసి 36,480 ఇండ్లను కూల్చివేశాయి. 2,07,100 మందిని రోడ్డున పడేశాయి.
- 2022లో జనవరి నుంచి జూన్ వరకు 25,800 ఇండ్లను బీజేపీ ప్రభుత్వాలు కూల్చివేసి, 1,24,450 మందికి నిలువ నీడ లేకుండా చేశాయి.
- 2021లో బీజేపీ పాలిత ప్రాంతాల్లో సగటున ప్రతిరోజూ 100 ఇండ్లు కూల్చేశారు. రోజూ 567 మంది పేదలను నిరాశ్రయులను చేశారు. బుల్డోజర్ రాజ్ వల్ల ప్రతి గంటకు 24 మంది తమ ఇండ్లను కోల్పోయి రోడ్డున పడ్డారు.
- ప్రభుత్వ భూముల ఆక్రమణ, నిర్మాణాల పేరుతో కూల్చివేతలు జరిగినప్పటికీ, ప్రతిచోటా మైనారిటీలు, ఎస్సీ, ఎస్టీలు, బీసీలనే టార్గెట్ చేసినట్టు స్పష్టమవుతున్నది.
- కూల్చివేతలపై బాధితులకు ముందుగా అధికారులు నోటీసులు ఇవ్వలేదు. చట్టాలను అమలు చేయలేదు. కోర్టు తీర్పులను పట్టించుకోలేదు.
- మధ్యప్రదేశ్లోని ఖర్గానే జిల్లాలో ఏప్రిల్లో శ్రీరామనవమి, హనుమాన్ జయంతి సందర్భంగా అల్లర్లు జరిగాయి. అందుకు కారకులని పేర్కొంటూ మైనారిటీలకు చెందిన 16 ఇండ్లు, 29 షాపులను అధికారులు ముందస్తు నోటీసులు ఇవ్వకుండా కూల్చేశారు. మత కలహాల్లో పాల్గొన్నందుకే వారి ఇండ్లు కూల్చేశామని అధికారులు, మంత్రులు బహిరంగంగానే ప్రకటించారు.
- ఏప్రిల్ 20న ఢిల్లీలోని జహంగీర్పూర్లో మైనారిటీలకు చెందిన 25 షాపులను ఆక్రమణల పేరుతో కూల్చేశారు. సుప్రీంకోర్టు స్టేటస్ కో విధించిన తర్వాత కూడా కూల్చివేతలు కొనసాగటం గమనార్హం.
- మధ్యప్రదేశ్లోని జిరాపూర్ గ్రామంలో మైనారిటీలకు, దళితులకు మధ్య గొడవ జరిగింది. అందుకు కారకులుగా నిర్ణయించి మైనారిటీలకు చెందిన 30 ఇండ్లను బీజేపీ సర్కారు కూల్చేసింది.
- 2021లో ఏప్రిల్- మే మధ్య దేశంలో కరోనా కరాళ నృత్యం చేస్తున్న సమయంలో కూడా బీజేపీ కనికరం చూపలేదు. ఆ సమయంలో ఆ పార్టీ అధికారంలో ఉన్న ప్రాంతాల్లో 13,750 మందిని అధికారులు బలవంతంగా ఇండ్లనుంచి గెంటేశారు.
- నిరాశ్రయుల్లో 57 శాతం మంది.. అంటే 1,17,623 మంది అడవులు, అటవీ జంతువుల రక్షణ పేరుతో తమ నివాసాల నుంచి గెంటివేయబడ్డారు.
- ఆక్రమణల తొలగింపు, చెరువులు, నదుల సుందరీకరణ పేరుతో వేలమందిని కట్టుబట్టలతో వెళ్లగొట్టారు.
- నిరాశ్రయుల్లో 28 శాతం మంది ఎస్సీ, ఎస్టీ, బీసీ, ఆదివాసీ వంటి బలహీనవర్గాలవారు ఉన్నారు.
- బీజేపీ ప్రభుత్వాల దౌర్జన్యాలకు తోడు దేశవ్యాప్తంగా 2021లో అగ్నిప్రమాదాలతో 16,430 మంది నివాసాలు కోల్పోయారని హెచ్ఎల్ఆర్ఎన్ తెలిపింది.
- ఆక్రమణల తొలగింపు అని ప్రభుత్వాలు పైకి చెప్తున్నప్పటికీ కొన్ని వర్గాలను లక్ష్యంగా చేసుకొని నేరపూరిత చర్యలకు పాల్పడుతున్నట్టు కనిపిస్తున్నదని నివేదికలో పేర్కొన్నారు.
- గతంలో కూడా రేపిస్టులు, తీవ్రమైన నేరాలు చేసినవారి ఇండ్లను ప్రభుత్వాలు కూల్చేశాయి. కానీ, ప్రత్యేకంగా కొన్ని వర్గాలను లక్ష్యంగా చేసుకొని కూల్చివేతలకు పాల్పడటం బీజేపీ పాలనలో ఎక్కువైందని నివేదికలో వ్యాఖ్యానించారు.
ప్రభుత్వాల చర్యలు నేరపూరితం
సంవత్సర కాలానికిపైగా దురదృష్టకర ఘటనలు జరుగుతున్నాయి. ఈ పరిస్థితి (ఇండ్ల కూల్చివేతలు) మరింత తీవ్రమవుతున్నదే తప్ప తగ్గటం లేదు. దేశంలో కరోనా తీవ్రంగా ఉన్న సమయంలో కూడా ప్రజలను వారి నివాసాల నుంచి గెంటేశారు. 2022 జనవరి-జూలై మధ్య ఈ కూల్చివేతలు మరింత పెరిగాయి. కూల్చివేతల పేరుతో రాష్ట్ర ప్రభుత్వాలు నేరపూరిత చర్యలకు పాల్పడుతున్నాయి. మానవ హక్కులను, చట్టాలను పూర్తిగా ఉల్లంఘిస్తున్నాయి.
– ఏనాక్షి గంగూలీ హెచ్ఎల్ఆర్ఎన్
Read Today's Latest National News in Telugu and Telugu News
RELATED ARTICLES
తాజా వార్తలు
Bihar MLA Anant Singh | కుమార్తె పెళ్లి సందర్భంగా గుర్రపు పోటీలు.. విజేతకు ‘థార్’ బహుకరించనున్న ఎమ్మెల్యే
Harihara Putra | అయ్యప్ప భక్తి నేపథ్యంలో వైభవ్ ‘హరిహర పుత్ర’.. ఆకట్టుకుంటున్న టీజర్!
Komatireddy Rajagopal Reddy | ఖబడ్దార్ బిడ్డా యుద్దం స్టార్ట్ అయితది.. రేవంత్ రెడ్డికి ఎమ్మెల్యే కోమటిరెడ్డి రాజగోపాల్ రెడ్డి మాస్ వార్నింగ్
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
Dogra Front | లష్కరే ఉగ్రవాది ఎన్కౌంటర్.. జమ్ముకశ్మీర్లో డోగ్రా ఫ్రంట్ సంబురాలు.. Video
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

