Hemant Soren | ఈరోజే జార్ఖండ్‌ సీఎంగా హేమంత్‌ సోరెన్‌ ప్రమాణం.. గవర్నర్‌ ప్రకటన

Hemant Soren | జార్ఖండ్‌ ముఖ్యమంత్రి (Jharkhand CM)గా మరోసారి హేమంత్‌ సొరేన్‌ (Hemant Soren) బాధ్యతలు చేపట్టనున్న విషయం తెలిసిందే. ఈ నేపథ్యంలో ఆయన ఇవాళ ప్రమాణ స్వీకారం చేయనున్నట్లు తెలిసింది.

Hemant Soren | జార్ఖండ్‌ ముఖ్యమంత్రి (Jharkhand CM)గా మరోసారి హేమంత్‌ సొరేన్‌ (Hemant Soren) బాధ్యతలు చేపట్టనున్న విషయం తెలిసిందే. ఈ నేపథ్యంలో ఆయన ఇవాళ ప్రమాణ స్వీకారం చేయనున్నట్లు తెలిసింది. జార్ఖండ్‌ 13వ ముఖ్యమంత్రిగా హేమంత్‌ సోరెన్‌ ఈరోజే బాధ్యతలు చేపట్టనున్నట్లు ఆ రాష్ట్ర గవర్నర్‌ సీపీ రాధాకృష్ణన్‌ వెల్లడించారు. సాయంత్రం 5 గంటలకు ఈ కార్యక్రమం ఉండనున్నట్లు తెలుస్తోంది.

“Invited Hemant Soren to take oath today after appointing him as the CM-designate of Jharkhand,” tweets Governor CP Radhakrishnan

(Pics: Governor of Jharkhand/X) pic.twitter.com/BnAjFQ5bQH

— ANI (@ANI) July 4, 2024

ముందుగా ఈనెల 7న ప్రమాణ స్వీకారం అంటూ వార్తలు వచ్చాయి. ‘ప్రభుత్వ ఏర్పాటుకు గవర్నర్‌ మమ్మల్ని ఆహ్వానించారు. జులై 7న ప్రమాణ స్వీకారోత్సవం ఉంటుంది’ అని జార్ఖండ్‌ ముక్తి మోర్చా ప్రధాన కార్యదర్శి సుప్రియో భట్టాచార్య తెలిపారు. దీంతో అంతా జులై 7నే ప్రమాణ స్వీకారోత్సవం ఉంటుందని భావించారు. అయితే, అనూహ్యంగా ప్రమాణ స్వీకారోత్సవం తేదీ మారినట్లు తెలిసింది. ఇవాళే ముఖ్యమంత్రిగా హేమంత్‌ సోరెన్‌ ప్రమాణ స్వీకారం చేయనున్నట్లు స్వయంగా గవర్నరే ప్రకటించారు.

Ranchi, Jharkhand | The State Governor CP Radhakrishnan appoints Hemant Soren as the nominated Chief Minister and invites him to take the oath.

(Source – Raj Bhavan) pic.twitter.com/wVTJ0Q7bQV

— ANI (@ANI) July 4, 2024

మనీలాండరింగ్‌ కేసులో అరెస్టైన హేమంత్‌ సోరెన్‌.. ఐదు నెలల తర్వాత జూన్‌ 28న బెయిల్‌పై బయటకు వచ్చిన సంగతి తెలిసిందే. బుధవారం జేఎంఎం నేతృత్వంలోని కూటమి ఎమ్మెల్యేలు సమావేశమై హేమంత్‌ను శాసనసభాపక్ష నేతగా ఏకగ్రీవంగా ఎన్నుకున్నారు. దీంతో ఆయన మరోసారి ముఖ్యమంత్రి కావడం లాంఛనం అయ్యింది. ప్రభుత్వాన్ని ఏర్పాటు చేసేందుకు ఆహ్వానించాల్సిందిగా హేమంత్‌ సొరేన్‌ ఇవాళ రాజ్‌భవన్‌కు వెళ్లి గవర్నర్‌ సీపీ రాధాకృష్ణన్‌ను కోరారు. గవర్నర్‌ కూడా ప్రభుత్వ ఏర్పాటుకు ఆహ్వానించారు. దీంతో జార్ఖండ్‌ 13వ ముఖ్యమంత్రిగా హేమంత్‌ సొరేన్‌ ఇవాళ సాయంత్రం బాధ్యతలు చేపట్టనున్నారు.

చంపయీ సొరేన్‌ రాజీనామా

తన అరెస్టు ఖాయం కావడంతో జనవరి 31న హేమంత్‌ సొరేన్‌ ముఖ్యమంత్రి పదవికి రాజీనామా చేసిన సంగతి తెలిసిందే. దీంతో ఫిబ్రవరి 2న జార్ఖండ్‌ ముక్తి మోర్చా(జేఎంఎం) సీనియర్‌ నేత చంపయీ సొరేన్‌ ముఖ్యమంత్రిగా బాధ్యతలు తీసుకున్నారు. హేమంత్‌ మరోసారి ముఖ్యమంత్రి కాబోతుండటంతో బుధవారం చంపయీ సొరేన్‌ తన పదవికి రాజీనామా చేశారు. ఈ మేరకు రాజ్‌భవన్‌లో గవర్నర్‌ సీపీ రాధాకృష్ణన్‌ను కలిసి రాజీనామా పత్రాన్ని సమర్పించారు. జేఎంఎం నేతృత్వంలోని కూటమి నిర్ణయం మేరకు రాజీనామా చేసినట్టు ఆయన ప్రకటించారు.

సుప్రీంకోర్టుకు ఈడీ!

హేమంత్‌ సొరేన్‌కు బెయిల్‌ మంజూరు చేస్తూ జార్ఖండ్‌ హైకోర్టు సింగిల్‌ బెంచ్‌ ఇచ్చిన తీర్పును త్వరలో సుప్రీంకోర్టులో సవాల్‌ చేయనున్నట్టు ఎన్‌ఫోర్స్‌మెంట్‌ డైరెక్టరేట్‌(ఈడీ) వర్గాలు తెలిపాయి. ఈ మేరకు త్వరలోనే స్పెషల్‌ లీవ్‌ పిటిషన్‌ దాఖలు చేయనున్నట్టు తెలుస్తున్నది. ఇదే జరిగితే సుప్రీంకోర్టు తీర్పుపై జార్ఖండ్‌ రాజకీయాలు ఆధారపడే అవకాశం ఉంది. కాగా, హేమంత్‌ సొరేన్‌ నేరం చేశారని నమ్మడానికి ఆధారాలు కనిపించడం లేదని జార్ఖండ్‌ హైకోర్టు వ్యాఖ్యానించిన సంగతి తెలిసిందే.

Also Read..

Bridge Collapses | బీహార్‌లో కూలిన మరో వంతెన.. 15 రోజుల్లో పదో ఘటన

Team India | ప్రధాని మోదీతో ముగిసిన టీమ్‌ ఇండియా క్రికెటర్ల భేటీ.. ముంబైకి పయనం

UK elections | బ్రిటన్‌లో సార్వత్రిక ఎన్నికల పోలింగ్‌.. తేలనున్న సునాక్‌ భవితవ్యం