BS Yediyurappa: య‌డ్యూర‌ప్ప హెలికాప్ట‌ర్‌కు త‌ప్పిన ప్ర‌మాదం.. వీడియో

BS Yediyurappa:య‌డ్డీ ప్ర‌యాణిస్తున్న హెలికాప్ట‌ర్ తృటిలో ప్ర‌మాదం నుంచి బ‌య‌ట‌ప‌డింది. ల్యాండింగ్ స‌మయంలో హెలిప్యాడ్ చుట్టూ ప్లాస్టిక్ వ్య‌ర్ధాలు గాలిలో లేచాయి. దీంతో పైలెట్ ఆ హెలికాప్ట‌ర్‌ను దూరం తీసుకెళ్లాడు.

కాల్‌బుర్గి: క‌ర్నాట‌క మాజీ సీఎం బీఎస్ య‌డ్యూర‌ప్ప(BS Yediyurappa) ప్ర‌యాణిస్తున్న హెలికాప్ట‌ర్ ల్యాండింగ్(Helicopter landing) స‌మ‌యంలో అనూహ్య సంఘ‌ట‌న చోటుచేసుకున్న‌ది. హెలికాప్ట‌ర్‌ను దించే స‌మ‌యంలో.. ఆ ప్రాంతంలో ప్లాస్టిక్ చెత్త‌, వ్య‌ర్ధాలు గాలిలోకి లేచాయి. దీంతో గంద‌ర‌గోళం ఏర్పడింది. ఆ స‌మ‌యంలో హెలికాప్ట‌ర్‌ను పైలెట్ ల్యాండ్ చేయ‌లేదు. అయితే సెక్యూర్టీ ద‌ళాలు హెలిప్యాడ్(Helipad) గ్రౌండ్‌ను క్లియ‌ర్ చేసిన త‌ర్వాత ఆ చాప‌ర్‌ను దించారు. ఈ ఘ‌ట‌న కాల్‌బుర్గిలో ఇవాళ ఉద‌యం జ‌రిగింది.

#WATCH | Kalaburagi | A helicopter, carrying former Karnataka CM and senior leader BS Yediyurappa, faced difficulty in landing after the helipad ground filled with plastic sheets and waste around. pic.twitter.com/BJTAMT1lpr

— ANI (@ANI) March 6, 2023

హెలికాప్ట‌ర్ ల్యాండ్ కాలేని స్థితిలో హెలిప్యాడ్ వ‌ద్ద చెత్త గాలిలోకి ఎగిరింది. ఆ ఘ‌ట‌న‌కు చెందిన వీడియోలు కొన్ని ప్ర‌స్తుతం సోష‌ల్ మీడియాలో వైర‌ల్ అవుతున్నాయి. ప్లాస్టిక్ షీట్లు గాలిలోకి ఎగురుతున్న స‌మ‌యంలో.. చివ‌రి నిమిషంలో పైల‌ట్ హెలికాప్ట‌ర్‌ను దారి మ‌ళ్లించాడు. హెలిప్యాడ్‌ను అధికారులు క్లియ‌ర్ చేసే వ‌ర‌కు ఆ హెలికాప్ట‌ర్ అక్క‌డే తిరిగింది.

హెలిప్యాడ్‌పై సుర‌క్షితంగా ఆ హెలికాప్ట‌ర్ దిగిన‌ట్లు కాల్‌బుర్గి ఎస్పీ ఇషా పంత్ తెలిపారు. జ‌న సంక‌ల్ప యాత్ర‌లో పాల్గొనేందుకు మాజీ సీఎం యడ్యూర‌ప్ప కాల్‌బుర్గి ప‌ర్య‌ట‌న‌కు వెళ్లారు.