డీప్‌ఫేక్‌లు సృష్టిస్తే భారీ జరిమానా

డీప్‌ ఫేక్‌ వీడియోల నియంత్రణకు కేంద్రం చర్యలకు ఉపక్రమించింది. డీప్‌ఫేక్‌ వీడియోలను సృష్టించేవారికి, అలాంటి వీడియోలను వ్యాప్తి చేసే సోషల్‌ మీడియా సంస్థలకు భారీ జరిమానాలు విధిస్తామని కేంద్ర ఐటీ మంత్రి అశ్వినీ వైష్ణవ్‌ వెల్లడించారు.

న్యూఢిల్లీ, నవంబర్‌ 23: డీప్‌ ఫేక్‌ వీడియోల నియంత్రణకు కేంద్రం చర్యలకు ఉపక్రమించింది. డీప్‌ఫేక్‌ వీడియోలను సృష్టించేవారికి, అలాంటి వీడియోలను వ్యాప్తి చేసే సోషల్‌ మీడియా సంస్థలకు భారీ జరిమానాలు విధిస్తామని కేంద్ర ఐటీ మంత్రి అశ్వినీ వైష్ణవ్‌ వెల్లడించారు. ఈ అంశానికి సంబంధించి నూతన నిబంధనావళిని రూపొందిస్తున్నామని, 10 రోజుల్లో అమల్లోకి తీసుకొస్తామని చెప్పారు. డీప్‌ఫేక్స్‌ టెక్నాలజీతో మార్ఫింగ్‌ చేసిన ఫొటోలు, వీడియోలు సోషల్‌మీడియాలో వెలువడటంపై పలువురు సెలబ్రిటీలు ఆందోళన వ్యక్తం చేసిన సంగతి తెలిసిందే. దీంతో ఈ అంశంపై కేంద్ర మంత్రి అశ్వినీ వైష్ణవ్‌ గురువారం సోషల్‌మీడియా కంపెనీల ప్రతినిధులు, నాస్కామ్‌, కృత్రిమ మేథ నిపుణులు తదితరులతో సమావేశమయ్యారు. వీడియోల కట్టడిపై సమావేశంలో చర్చించారు.