CJP Leaders | పౌరులపై మోదీ ప్రభుత్వం యుద్ధం చేస్తోంది.. ఇది బహిరంగ ఎమర్జెన్సీ.. సీజేపీ నేతల ఆరోపణ
CJP Leaders : తమ సీజేపీ నేతల్ని అరెస్టు చేయడం ద్వారా మోదీ సర్కారు భయానక వాతావరణాన్ని సృష్టించాలనుకుంటోందని విమర్శించారు. తమ వారిని అడ్డుకోవడం వల్ల దేశ ప్రతిష్ట మసకబారుతుందన్నారు.
CJP Leaders : కేంద్ర ప్రభుత్వం దేశంలో పౌరులపై యుద్ధం చేస్తోందని, ప్రస్తుత పరిస్తితి బహిరంగ ఎమర్జెన్సీని తలపిస్తుందని సీజేపీ నేతలు ఆరోపించారు. కోర్టు ఆదేశాలతో అరెస్టు నుంచి విడుదలైన అనంతరం ఆదివారం మీడియాతో మాట్లాడారు. సీజేపీ అగ్రనేతలు అశుతోష్ రాంకా, సౌరవ్ దాస్ మీడియా సమావేశంలో పాల్గొని కేంద్రం ప్రభుత్వంతోపాటు, పోలీసులపై ఆరోపణలు చేశారు. అక్టోబర్ 10, శనివారం చేపట్టాల్సి ఉన్న సీజేపీ నిరసనను కేంద్ర ప్రభుత్వం, ఢిల్లీ పోలీసులు అడ్డుకున్న సంగతి తెలిసిందే.
సీజేపీ నేతలు అభిజీత్ దీప్కే సహా అగ్రనేతల్ని అరెస్టు చేసిన పోలీసులు.. కోర్టు ఆదేశాల అనంతరం విడిచిపెట్టారు. ఈ నేపథ్యంలో సీజేపీ నేతలు ఢిల్లీలో ఆదివారం ప్రెస్మీట్ నిర్వహించారు. ఈ సందర్భంగా అశుతోష్ రాంకా, సౌరవ్ దాస్లు మోదీ సర్కార్ తీరుపై విమర్శలు చేశారు. తమ సీజేపీ నేతల్ని అరెస్టు చేయడం ద్వారా మోదీ సర్కారు భయానక వాతావరణాన్ని సృష్టించాలనుకుంటోందని విమర్శించారు. తమ వారిని అడ్డుకోవడం వల్ల దేశ ప్రతిష్ట మసకబారుతుందన్నారు. ‘‘సీఈసీ జ్ఞానేష్ కుమార్కు వ్యతిరేకంగా తాము చేపట్టిన ఆందోళనను ప్రభుత్వం మోదీ, అమిత్ షాపై తిరుగుబాటులా మార్చింది. ప్రభుత్వం పౌరులపై యుద్ధం చేస్తోంది. ఇది ఓపెన్ ఎమర్జెన్సీని తలపిస్తోంది.
బంగ్లా సాహిబ్ గురుద్వారాలోకి పోలీసులు బూట్లతో ప్రవేశించారు. అది కూడా తలపాగా లేకుండా. మా ఉద్యమానికి సిక్కులు మద్దతు ఇవ్వాలి. విమానంలోనే మమ్మల్ని అరెస్టు చేశారు. ఎలాంటి పత్రాలు చూపకుండానే మమ్మల్ని నిర్బంధించారు. ఫోన్లు స్వాధీనం చేసుకున్నారు. కనీసం, న్యాయ సహాయం పొందే వీలు కూడా లేకుండా చేశారు. మోదీ అత్యంత పిరికి ప్రధాని. రెండు రోజులుగా జరుగుతున్న పరిణామాలు, దిగ్బంధనాలు దేశ ప్రతిష్టను దిగజార్చేలా ఉన్నాయి. ఎన్నికల సంఘం మోదీ ప్రభుత్వానికి అనుకూలంగా వ్యవహరిస్తోంది’’ అని రాంకా ఆరోపించారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

