దృష్టి మరల్చేందుకే ఉమ్మడి పౌరస్మృతి

దేశంలో విభజన రాజకీయాలకు ఊపిరి పోసేందుకే ఉమ్మడి పౌరస్మృతి (యూసీసీ) అంశాన్ని మోదీ సర్కార్‌ తెరపైకి తీసుకువస్తున్నదని ప్రతిపక్షాలు ఆగ్రహం వ్యక్తం చేస్తున్నాయి. తన వైఫల్యాల్ని కప్పి పుచ్చుకునేందుకు, ప్రజల దృష్టి మరల్చేందుకు మోదీ సర్కార్‌ ఈ అంశాన్ని తెరపైకి తీసుకొస్తున్నదని పేర్కొన్నాయి. కాంగ్రెస్‌ నాయకుడు జైరాం రమేశ్‌ మాట్లాడుతూ, ‘దేశ ప్రయోజనాలు, బీజేపీ రాజకీయ ఆకాంక్షలు వేర్వేరని కూడా కమిషన్‌ ప్రస్తావించింది.

న్యూఢిల్లీ, జూన్‌ 15: దేశంలో విభజన రాజకీయాలకు ఊపిరి పోసేందుకే ఉమ్మడి పౌరస్మృతి (యూసీసీ) అంశాన్ని మోదీ సర్కార్‌ తెరపైకి తీసుకువస్తున్నదని ప్రతిపక్షాలు ఆగ్రహం వ్యక్తం చేస్తున్నాయి. తన వైఫల్యాల్ని కప్పి పుచ్చుకునేందుకు, ప్రజల దృష్టి మరల్చేందుకు మోదీ సర్కార్‌ ఈ అంశాన్ని తెరపైకి తీసుకొస్తున్నదని పేర్కొన్నాయి. కాంగ్రెస్‌ నాయకుడు జైరాం రమేశ్‌ మాట్లాడుతూ, ‘దేశ ప్రయోజనాలు, బీజేపీ రాజకీయ ఆకాంక్షలు వేర్వేరని కూడా కమిషన్‌ ప్రస్తావించింది. అలాంటప్పుడు ఈ అంశాన్ని మళ్లీ ఎందుకు తెరపైకి తెస్తున్నారన్నది లా కమిషన్‌ ప్రకటనలో లేదు’ అని అన్నారు.

30 రోజులపాటు అభిప్రాయ సేకరణ

‘ఉమ్మడి పౌరస్మృతి’పై అన్ని వర్గాల నుంచి అభిప్రాయాలు, సూచనలు, సలహాలు స్వీకరిస్తున్నట్టు బుధవారం లా కమిషన్‌ ప్రకటించింది. ఆసక్తి గలవారు 30 రోజుల్లోగా లా కమిషన్‌కు ఈ మెయిల్‌ ద్వారా అభిప్రాయాలు పంపొచ్చంది.