ఐదుగురు హత్యాచార దోషులకు ఉరి శిక్ష

ఛత్తీస్‌గఢ్‌లోని కోర్బా జిల్లా ఫాస్ట్‌ ట్రాక్‌ కోర్టు ఐదుగురికి మరణ శిక్ష విధించింది. 16 సంవత్సరాల బాలికపై అత్యాచారం చేసి, హత్య చేయడంతోపాటు ఆమె తండ్రిని, నాలుగేళ్ల బాలికను కూడా వీరు హత్య చేసినట్లు రుజువైంది. ఈ కేసులో మరో వ్యక్తికి జీవిత ఖైదు విధించింది.

కోర్బా: ఛత్తీస్‌గఢ్‌లోని కోర్బా జిల్లా ఫాస్ట్‌ ట్రాక్‌ కోర్టు ఐదుగురికి మరణ శిక్ష విధించింది. 16 సంవత్సరాల బాలికపై అత్యాచారం చేసి, హత్య చేయడంతోపాటు ఆమె తండ్రిని, నాలుగేళ్ల బాలికను కూడా వీరు హత్య చేసినట్లు రుజువైంది. ఈ కేసులో మరో వ్యక్తికి జీవిత ఖైదు విధించింది.

దోషులు అత్యంత అమానుషంగా, క్రూరంగా ఈ నేరాలకు పాల్పడ్డారని కోర్టు వ్యాఖ్యానించింది. ఈ నెల 15న ఈ తీర్పు వచ్చింది, కానీ ఆర్డర్‌ కాపీ సోమవారం అందుబాటులోకి వచ్చింది. 2021 జనవరి 29న బాలికపై వీరు సామూహిక అత్యాచారం చేసి, రాళ్లతో కొట్టి హత్య చేశారు. బాధితురాలి తండ్రి (60)ని, ఆయన మనుమరాలు (4)ను కూడా హత్య చేశారు.