Lord Ram’s Idol: ప్రాణ ప్ర‌తిష్ట‌కు ముందు రాముడి కండ్ల‌ను బ‌హిర్గ‌తం చేయ‌రాదు: ఆచార్య స‌త్యేంద్ర దాస్‌

Lord Ram's Idol: బాల రాముడి నేత్రాల‌కు వ‌స్త్రం లేకుండా రిలీజైన ఫోటోపై అనుమానాలు వ్య‌క్తం అవుతున్నాయి. అయోధ్య‌లో ప్రాణ ప్ర‌తిష్ట‌కు ముందే ఆ విగ్ర‌హం కండ్ల‌ను ఎలా చూపించార‌ని శ్రీ రామ జ‌న్మ‌భూమి తీర్థ క్షేత్ర ముఖ్య పూజారి ఆచార్య స‌త్యేంద్ర దాస్ ప్ర‌శ్నించారు. కండ్ల‌కు కనిపిస్తున్న ఆ విగ్ర‌హం నిజ‌మైంది కాదు అని ఆయ‌న అన్నారు.

అయోధ్య: అయోధ్య రామాల‌యం గ‌ర్భ‌గుడిలో ప్రాణ ప్ర‌తిష్ట చేయ‌నున్న బాల‌రాముడి విగ్ర‌హ(Lord Rams Idol) ఫోటోలు శుక్ర‌వారం రిలీజైన విష‌యం తెలిసిందే. అయితే కొన్ని ఫోటోల్లో రాముడి కండ్ల‌కు ప‌సుపు వ‌ర్ణ వ‌స్త్రం క‌ట్టి ఉన్నది. ఇక కొన్ని ఫోటోలు నేత్రాల‌కు ఆ వ‌స్త్రం లేకుండా రిలీజ్ అయ్యాయి. దీనిపై శ్రీ రామ‌జ‌న్మ‌భూమి తీర్థ‌క్షేత్ర ముఖ్య పూజారి ఆచార్య స‌త్యేంద్ర దాస్ స్పందించారు.

ప్రాణ ప్ర‌తిష్ట పూర్తి అయ్యే వ‌ర‌కు శ్రీరాముడి విగ్ర‌హం కండ్ల‌ను బ‌హిర్గతం చేయ‌రాదు అని ఆయ‌న తెలిపారు. కండ్లకు ఉన్న వ‌స్త్రాన్ని తీసి ఉన్న ఫోటోలు నిజ‌మైన‌వి కావు అని స‌త్యేంద్ర దాస్ పేర్కొన్నారు. ఒక‌వేళ కళ్లు క‌నిపిస్తే అప్పుడు దీనిపై విచార‌ణ చేప‌ట్టాల‌న్నారు. కండ్ల‌ను ఎవ‌రు చూపించారు, ఆ ఫోటోలు ఎలా బ‌య‌ట‌కు వెళ్లాయో తెలియాల‌ని ఆయ‌న అన్నారు.

#WATCH | Ayodhya: On the idol of Lord Ram, Shri Ram Janmabhoomi Teerth Kshetra Chief Priest Acharya Satyendra Das says, “…The eyes of Lord Ram’s idol cannot be revealed before Pran Pratishtha is completed. The idol where the eyes of Lord Ram can be seen is not the real idol. If… pic.twitter.com/I0FjRfCQRp

— ANI (@ANI) January 20, 2024

మైసూరుకు చెందిన శిల్పి యోగిరాజ్‌.. బాల‌రాముడి విగ్ర‌హాన్ని చెక్కారు. 51 అంగుళాల ఈ విగ్ర‌హాన్ని కృష్ణ శిలపై చెక్కారు. బాలరాముడి విగ్రహంలో ఆధ్యాత్మిక వైభవం ఉట్టిపడుతున్నది. 983లో జన్మించిన యోగిరాజ్‌.. ఎంబీఏ పూర్తి చేశాడు. మొదట కార్పొరేట్‌ ఉద్యోగంలో చేరినా.. తన కుటుంబ మూలమైన శిల్పకళపై అతనికి ఉన్న మక్కువ అతన్ని 2008లో ఆ వైపు వెళ్లేలా చేసింది.

ఢిల్లీలోని ఇండియా గేట్‌ వద్ద ఆకర్షణీయంగా ఉండే 30 అడుగుల పొడవైన నేతాజీ సుభాష్‌ చంద్రబోస్‌ విగ్రహంతోపాటు కేదార్‌నాథ్‌లో ప్రతిష్ఠించిన 12 అడుగుల ఆది శంకరాచార్య విగ్రహాన్ని కూడా యోగిరాజ్‌ చెక్కారు.