ఈపీఎఫ్‌ వేతన పరిమితి 25,000కు పెంపు?.. ప్రతిపాదనకు కేంద్ర ఆర్థిక శాఖ ఆమోదం

తప్పనిసరిగా ఉద్యోగుల భవిష్య నిధి(ఈపీఎఫ్‌) పరిధిలోకి రావడానికి అవసరమైన వేతన పరిమితిని రూ.15, 000 నుండి రూ.25,000కు పెంచడానికి కేంద్ర ఆర్థిక శాఖ ఆమోదం తెలిపినట్టు ప్రభుత్వ వర్గాలు తెలిపాయి.

న్యూఢిల్లీ : తప్పనిసరిగా ఉద్యోగుల భవిష్య నిధి(ఈపీఎఫ్‌) పరిధిలోకి రావడానికి అవసరమైన వేతన పరిమితిని రూ.15, 000 నుండి రూ.25,000కు పెంచడానికి కేంద్ర ఆర్థిక శాఖ ఆమోదం తెలిపినట్టు ప్రభుత్వ వర్గాలు తెలిపాయి. ఈ పరిమితి గత దశాబ్ద కాలంగా మార్పు లేకుండా కొనసాగుతూ వచ్చింది. ఈ సవరించిన పరిమితి అమల్లోకి వచ్చిన తర్వాత కొత్తగా మరి కొంతమంది వేతన జీవులు తప్పనిసరి పీఎఫ్‌, పెన్షన్‌ పరిధిలోకి వస్తారు. ఇది ఏ తేదీ నుండి అమల్లోకి వస్తుందనేది క్యాబినెట్‌ ఆమోదం తర్వాత తేలుతుంది.

ఇప్పటివరకు నెలకు రూ.15,000 వరకు సంపాదిస్తున్న ఉద్యోగులు ప్రభుత్వ ఉద్యోగుల భవిష్య నిధి, ఉద్యోగుల పెన్షన్‌ పథకం పరిధిలోకి తప్పనిసరిగా వచ్చేవారు. ఈ పరిమితిని పెంచడం వల్ల రూ.25,000 వరకు మూల వేతనం పొందే ఉద్యోగులు తప్పనిసరి ప్రభుత్వ పథకం పరిధిలోకి వస్తారు. ఈ చర్య కంపెనీలు, ప్రభుత్వానికి నిబంధనల అమలు వ్యయాన్ని పెంచుతుంది.