Dress Code | పూరి జగన్నాథ ఆలయంలో డ్రెస్‌కోడ్‌.. జీన్స్‌, షార్టులు, స్కర్టులు ధరిస్తే నో దర్శనం

ఒడిశాలోని ప్రసిద్ధ పూరి జగన్నాథ ఆలయంలోకి ప్రవేశించే భక్తులు ఇకపై తప్పనిసరిగా డ్రెస్‌కోడ్‌ను పాటించాల్సిందే. జీన్స్‌, షార్టులు, స్కర్టులు, స్లీవ్‌లెస్‌ డ్రెసులు ధరిస్తే ఆలయంలోకి ప్రవేశం ఉండదు.

Dress Code | పూరి: ఒడిశాలోని ప్రసిద్ధ పూరి జగన్నాథ ఆలయంలోకి ప్రవేశించే భక్తులు ఇకపై తప్పనిసరిగా డ్రెస్‌కోడ్‌ను పాటించాల్సిందే. జీన్స్‌, షార్టులు, స్కర్టులు, స్లీవ్‌లెస్‌ డ్రెసులు ధరిస్తే ఆలయంలోకి ప్రవేశం ఉండదు. ఈ నూతన నిబంధనలు జనవరి 1 నుంచే అమల్లోకి వచ్చాయి. దీంతో ఆలయ పరిసరాల్లో ఎక్కువ మంది పురుషులు ధోతీలతో, మహిళా భక్తులు చీరలు, సల్వార్‌ కమీజ్‌లతో కనిపించారు.

ఆలయ విశిష్టతను కాపాడటానికి ఈ నిబంధనలు తీసుకొచ్చినట్టు అధికారులు చెప్పారు. ఆలయ పరిసరాల్లో గుట్కా, పాన్‌ మసాలాలు, ప్లాస్టిక్‌ సంచులను నిషేధించినట్టు వెల్లడించారు. నిబంధనలను ఉల్లంఘిస్తే జరిమానా విధిస్తామని హెచ్చరించారు.