Ayodhya Ram Mandir | సాధారణ భక్తులకు దర్శనమిస్తున్న అయోధ్య బాలరాముడు.. దర్శనం, హారతి వేళలు ఇవే..

అయోధ్య బాలరాముడు నేటి నుంచి(మంగళవారం) సాధారణ భక్తులకు దర్శనం ఇవ్వనున్నాడు. భవిష్యత్తులో దేశంలోనే ప్రముఖ హిందూ పుణ్యక్షేత్రంగా మారే అయోధ్య రామ మందిరంలో రామ్‌లల్లా దర్శనం, హారతి వేళల వివరాలను శ్రీరామజన్మభూమి తీర్థ క్షేత్ర ట్రస్టు వెల్లడించింది.

Ayodhya Ram Mandir | అయోధ్య, జనవరి 22: అయోధ్య బాలరాముడు నేటి నుంచి(మంగళవారం) సాధారణ భక్తులకు దర్శనం ఇవ్వనున్నాడు. భవిష్యత్తులో దేశంలోనే ప్రముఖ హిందూ పుణ్యక్షేత్రంగా మారే అయోధ్య రామ మందిరంలో రామ్‌లల్లా దర్శనం, హారతి వేళల వివరాలను శ్రీరామజన్మభూమి తీర్థ క్షేత్ర ట్రస్టు వెల్లడించింది.

హారతి/దర్శనం పాస్‌లు ఎలా పొందాలి?
బాలరాముడి దర్శనానికి భక్తులు ఆన్‌లైన్‌ లేదా ఆఫ్‌లైన్‌ ద్వారా పాస్‌లు పొందవచ్చు. అయితే ఆన్‌లైన్‌ బుకింగ్‌ ప్రస్తుతానికి ప్రారంభం కాలేదు. అప్‌డేట్స్‌ కోసం ట్రస్టు అధికారిక వెబ్‌సైట్‌ను చెక్‌ చేసుకోవాలి.

ఆన్‌లైన్‌ బుకింగ్‌ ఎలా..

• అయోధ్య రామాలయ అధికారిక వెబ్‌సైట్‌ ఓపెన్‌ చేయాలి.
• మొబైల్‌ నంబర్‌ ద్వారా లాగిన్‌ అయిన తర్వాత ఓటీపీ ఎంటర్‌ చేస్తే రిజిస్ట్రేషన్‌ అవుతుంది.
• మై ఫ్రొఫైల్‌’ అనే సెక్షన్‌పై క్లిక్‌ చేసి, హారతి/దర్శన స్లాట్‌ను ఎంపిక చేసుకోవాలి.
• అవసరమైన వివరాలు సమర్పించి పాస్‌ బుకింగ్‌ చేసుకొన్న తర్వాత.. కన్ఫర్మేషన్‌ మెసేజ్‌ వస్తుంది.
• ఆలయం ప్రాంగణంలోని కౌంటర్‌ వద్ద పాస్‌ తీసుకొని దర్శనానికి వెళ్లొచ్చు.

ఆఫ్‌లైన్‌లో ఎలా..
ఆలయ క్యాంప్‌ ఆఫీస్‌కు వెళ్లి, చెల్లుబాటు అయ్యే ఏదైనా ప్రభుత్వ ధ్రువీకరణ ఐడీ సమర్పించడం ద్వారా ఆఫ్‌లైన్‌లో పాస్‌లు పొందవచ్చు.

దర్శనం/హారతి వేళలు

• రామ్‌లల్లా దర్శన సమయం- ఉదయం 7.00-11.30
• మధ్యాహ్నం 2.00-7.00
• జాగరణ్‌/శృంగార్‌ హారతి ఉదయం 6.30
• సంధ్యా హారతి సాయంత్రం 7.30