Delhi School Bus: 9 కిలోమీట‌ర్లు రాంగ్ రూట్లో స్కూల్ బ‌స్‌.. కారును ఢీకొన్న వీడియో వైర‌ల్

Delhi School Bus: 9 కిలోమీట‌ర్లు రాంగ్ రూట్లో వెళ్లాడు. రాంగ్ డైరెక్ష‌న్ వ‌ల్లే స్కూల్ బ‌స్ ప్ర‌మాదం జ‌రిగింది. మీర‌ట్ ఎక్స్‌ప్రెస్‌వేపై జ‌రిగిన ఆ ప్ర‌మాదంలో ఒకే కుటుంబానికి చెందిన‌ ఆరుగురు మృతిచెందారు. డ్రైవ‌ర్‌ను క‌ఠినంగా శిక్షించాల‌ని సోష‌ల్ మీడియాలో నెటిజ‌న్లు డిమాండ్ చేస్తున్నారు.

న్యూఢిల్లీ: ఢిల్లీలోని ఢిల్లీ-మీట‌ర్ ఎక్స్‌ప్రెస్‌వేపై ఇవాళ ఉద‌యం ప్ర‌మాదం జ‌రిగింది. మ‌హేంద్ర ఎస్‌యూవీ వాహ‌నాన్ని స్కూల్ బ‌స్సు(Delhi School Bus) ఢీకొన్న ఘ‌ట‌న‌లో ఒకే కుటుంబానికి చెందిన‌ ఆరు మంది మృతిచెందారు. అయితే ప్ర‌మాదానికి గురైన బ‌స్సు.. రాంగ్ రూట్లో సుమారు 9 కిలోమీట‌ర్లు ప్ర‌యాణించిన‌ట్లు తెలుస్తోంది. ఢిల్లీలోని ఘాజిపూర్‌లో సీఎన్‌జీ నింపుకున్న బ‌స్సు డ్రైవ‌ర్‌.. త‌ప్పుడు లేన్‌లో ప్ర‌యాణించాడు. అయితే మీర‌ట్ నుంచి గురుగ్రామ్ వెళ్తున్న ఎస్‌యూవీని ఆ బ‌స్సు ఢీకొన్న‌ది. అతివేగంగా రాంగ్ రూట్లో వ‌చ్చి ఢీకొన‌డంతో కారులో ఉన్న ఆరుగురు మృతిచెందారు.

Six people dead in a fatal crash between a school bus and an SUV on the Delhi-Meerut Expressway near Ghaziabad.#BusAccident #Ghaziabad #DelhiMeerutExpressway #CCTVFootage pic.twitter.com/ye6zHKKyVX

— Prem Prakash Rai 🇮🇳 (@iampremrai) July 11, 2023

ఈ ప్ర‌మాదంలో స్కూల్ బ‌స్సు డ్రైవ‌ర్‌దే త‌ప్పు అని పోలీసులు తేల్చారు. రాహుల్ విహార్ వ‌ద్ద ప్ర‌మాదం జ‌రిగింద‌ని పోలీసులు వెల్ల‌డించారు. ప్ర‌స్తుతం బ‌స్ డ్రైవ‌ర్‌ను అరెస్టు చేశారు. ఎక్స్‌ప్రెస్‌వే రాంగ్ లేన్‌లో బ‌స్సు డ్రైవ‌ర్ 9 కిలోమీట‌ర్ల దూరం ప్ర‌యాణించిన‌ట్లు అక్క‌డ డ్యూటీలో ఉన్న ట్రాఫిక్ పోలీసు తెలిపారు. ఎఫ్ఐఆర్‌లో క‌ఠిన‌మైన సెక్ష‌న్లు న‌మోదు చేయ‌నున్న‌ట్లు ఘ‌జియాబాద్ డీసీపీ దేహ‌త్ శుభ‌మ్‌ చెప్పారు.

https://twitter.com/sandeep_PT/status/1678653729103282176?s=20

ప్ర‌మాదం ఎంత తీవ్రంగా ఉందంటే.. కారులో చిక్కుకున్న మృత‌దేహాల‌ను తీసేందుకు కారును క‌ట్ చేయాల్సి వ‌చ్చిన‌ట్లు పోలీసులు చెప్పారు. గాయ‌ప‌డ్డ‌వారిని చికిత్స కోసం ఆస్పిట‌ల్‌లో చేర్పించారు. ప్ర‌మాదం ప‌ట్ల సీఎం యోగి ఆదిత్య‌నాథ్ విచారం వ్య‌క్తం చేశారు.

Driver of school bus should be hanged – he has killed 6 people coming in SUV on DELHI- MEERUT expressway in GHAZIABAD- look at his speed while coming from WRONG SIDE pic.twitter.com/Y5yY6NQXGu

— VINAY. KUMAR DELHI (@wadhawan2011) July 11, 2023

ఇక సోష‌ల్ మీడియాలో ట్రోలింగ్ న‌డుస్తోంది. ఆ డ్రైవ‌ర్‌ను ఉరితీయాల‌ని కొంద‌రు అన్నారు. ట్రాఫిక్ పోలీసులు నిర్ల‌క్ష్యం వ‌ల్లే ఈ ప్ర‌మాదం జ‌రిగిన‌ట్లు నెటిజ‌న్లు ట్రోల్ చేస్తున్నారు.

#WATCH : School Bus-SUV Crash on Delhi-Meerut Expressway Near Ghaziabad, 6 Dead.

Bus was on wrong side. Who is responsible for these deaths.#BusAccident #Ghaziabad #DelhiMeerutExpressway #RoadAccident #caraccident pic.twitter.com/S5rJeQ3qj2

— सत्यमेव जयते (@won_india) July 11, 2023