Arvind Kejriwal | కేజ్రీవాల్‌ బెయిల్‌ పిటిషన్‌పై విచారణ.. సీబీఐకి హైకోర్టు నోటీసులు

Arvind Kejriwal | ఆమ్‌ ఆద్మీ పార్టీ జాతీయ కన్వీనర్‌, ఢిల్లీ ముఖ్యమంత్రి అరవింద్‌ కేజ్రీవాల్‌ (Arvind Kejriwal)కు ఢిల్లీ హైకోర్టులో (Delhi High Court) ఊరట దక్కలేదు.

Arvind Kejriwal | ఆమ్‌ ఆద్మీ పార్టీ జాతీయ కన్వీనర్‌, ఢిల్లీ ముఖ్యమంత్రి అరవింద్‌ కేజ్రీవాల్‌ (Arvind Kejriwal)కు ఢిల్లీ హైకోర్టులో (Delhi High Court) ఊరట దక్కలేదు. మద్యం కుంభకోణానికి సంబంధించి సీబీఐ మోపిన అవినీతి కేసులో సీఎం దాఖలు చేసిన బెయిల్‌ పిటిషన్‌పై ఈరోజు ఢిల్లీ హైకోర్టు విచారణ జరిపింది. ఈ మేరకు సీబీఐకి నోటీసులు (CBI) జారీ చేసింది. కేజ్రీవాల్‌ దాఖలు చేసిన పిటిషన్‌పై కౌంటర్‌ దాఖలు చేయాలని నోటీసులు ఇచ్చింది. అనంతరం తదుపరి విచారణను జులై 17కు వాయిదా వేసింది.

Excise Police Case | Delhi HC issues notice to the CBI on a plea moved by Delhi’s Chief Minister Arvind Kejriwal seeking bail in a CBI case connected to the Excise Policy matter. Next date is July 17.

Delhi CM Arvind Kejriwal was arrested by the Central Bureau of Investigation…

— ANI (@ANI) July 5, 2024

మద్యం పాలసీ కేసులో మార్చిలో ఆయనను ఎన్‌ఫోర్స్‌మెంట్ డైరెక్టరేట్ (ED) అరెస్టు చేసిన విషయం తెలిసిందే. ఈడీ దాఖలు చేసిన మనీలాండరింగ్ కేసులో ఇప్పటికే జ్యుడీషియల్ కస్టడీలో ఉన్న కేజ్రీవాల్‌ను జూన్ 26న సీబీఐ అరెస్టు చేసింది. అదే నెల 20న ట్రయల్ కోర్టు బెయిల్ మంజూరు చేసింది. ఆ నిర్ణయాన్ని సవాల్‌ చేస్తూ ఈడీ ఢిల్లీ హైకోర్టును ఆశ్రయించడంతో మధ్యంతర స్టే విధించింది. మధ్యంతర స్టేను సవాల్‌ చేయగా.. హైకోర్టు తోసిపుచ్చింది. ఇక జూన్ 29న కేజ్రీవాల్‌ను సీబీఐ కస్టడీలోకి తీసుకున్నది. ప్రస్తుతం ఆయన జ్యుడీషియల్ కస్టడీలో ఉన్నారు.

మరోవైపు మద్యం కుంభకోణంతో ముడిపడిన మనీలాండరింగ్‌ కేసులో కేజ్రీవాల్‌కు విధించిన జ్యుడీషియల్‌ కస్టడీని ట్రయల్‌ కోర్టు పొడిగించిన విషయం తెలిసిందే. ఈ నెల 12 వరకూ పొడిగించింది. తీహార్‌ జైలులో ఉన్న ఆయనను వీడియో కాన్ఫరెన్సింగ్‌ ద్వారా స్పెషల్‌ జడ్జి కావేరీ బవేజా సమక్షంలో బుధవారం హాజరుపరిచారు. ఆయన జ్యుడిషియల్‌ కస్టడీని ఈ నెల 12 వరకు పొడిగిస్తూ జడ్జి ఆదేశాలిచ్చారు.

Also Read..

Mark Zuckerberg | ఓ చేత్తో బీరు బాటిల్‌.. మరో చేత్తో యూఎస్‌ జెండాతో సర్ఫింగ్‌.. స్వాతంత్య్ర వేడుకలను తనదైన స్టైల్లో జరుపుకున్న మెటా సీఈవో

Rishi Sunak | నన్ను క్షమించండి.. ఓటమిని అంగీకరించిన రిషి సునాక్‌

Kuala Lumpur airport | ఎయిర్‌పోర్ట్‌లో గ్యాస్‌ లీక్‌.. 39 మంది ప్రయాణికులకు అస్వస్థత