వైర‌ల్ వీడియో : క‌నాట్ ప్లేస్‌లో మ్యుజిషియ‌న్ పెర్ఫామెన్స్‌ను అడ్డుకున్న పోలీస్‌

ఢిల్లీలోని క‌నాట్ ప్లేస్‌లో మ్యుజిషియ‌న్ చేప‌ట్టిన గిటార్ పెర్ఫామెన్స్‌ను ఓ పోలీస్ కానిస్టేబుల్ అడ్డ‌గించిన వీడియో సోష‌ల్ మీడియాలో వైర‌ల్ అవుతోంది. రోడ్డుపై అత‌డు సాంగ్ ప్లే చేస్తుండ‌గా వినేందుకు పెద్ద ఎత్తున జ‌నం గుమికూడారు.

న్యూఢిల్లీ : ఢిల్లీలోని క‌నాట్ ప్లేస్‌లో మ్యుజిషియ‌న్ చేప‌ట్టిన గిటార్ పెర్ఫామెన్స్‌ను ఓ పోలీస్ కానిస్టేబుల్ అడ్డ‌గించిన వీడియో సోష‌ల్ మీడియాలో వైర‌ల్ అవుతోంది. రోడ్డుపై అత‌డు సాంగ్ ప్లే చేస్తుండ‌గా వినేందుకు పెద్ద ఎత్తున జ‌నం గుమికూడారు. అయితే ఆ వ్య‌క్తి గిటార్ పెర్ఫామెన్స్‌ను కానిస్టేబుల్ మ‌ధ్య‌లోనే అడ్డుకున్నాడు. ఈ ఘ‌ట‌న‌కు సంబంధించిన వీడియోను న‌టుడు రాజేష్ తైలంగ్ ట్విట్ట‌ర్‌లో షేర్ చేశారు.

Watched this clip on Instagram. @DelhiPolice this is not done. These artists make our delhi more aesthetical, musical. Shame !!! pic.twitter.com/FJhENQGkdV

— Rajesh Tailang (@rajeshtailang) January 4, 2023

15 సెకండ్ల నిడివి క‌లిగిన ఈ వీడియోలో మ్యుజిషియ‌న్ గిటార్ ప్లే చేస్తుండ‌గా అనూహ్యంగా ఓ కానిస్టేబుల్ అక్క‌డ‌కు చేరుకుని అతడి చేతి నుంచి గిటార్ లాక్కోవ‌డం క‌నిపిస్తుంది. నీకు చెబుతుంటే వినిపించుకోవా..స్టాండ్ అప్ అంటూ కానిస్టేబుల్ మ్యుజిషియ‌న్‌ను క‌సురుకోగా, అత‌డు కానిస్టేబుల్‌తో వాగ్వాదానికి దిగాడు. ఈ ఆర్టిస్టులు ఢిల్లీని మ‌రింత శోభాయ‌మానంగా, శ్రుతిబ‌ద్ధం చేస్తున్నార‌ని, ఢిల్లీ పోలీసులు అలా చేయ‌కూడ‌ద‌ని రాజేష్ ఈ పోస్ట్‌కు క్యాప్ష‌న్ ఇచ్చారు.

ఈ వీడియోను సోష‌ల్ మీడియాలో షేర్ చేసిన‌ప్ప‌టి నుంచి ఇప్ప‌టివ‌ర‌కూ 3 ల‌క్ష‌ల మందికి పైగా వీక్షించ‌గా పెద్ద‌సంఖ్య‌లో నెటిజ‌న్లు రియాక్ట‌య్యారు. పోలీసుల ప్ర‌వ‌ర్త‌న‌ను ప‌లువురు యూజ‌ర్లు తోసిపుచ్చ‌గా మ‌రికొంద‌రు స‌మ‌ర్ధించారు. ఆర్టిస్ట్ పెర్ఫామెన్స్‌ను అర్ధంత‌రంగా అడ్డుకోవ‌డం స‌రైందికాద‌ని ఓ యూజ‌ర్ కామెంట్ చేయ‌గా, ముంద‌స్తు అనుమ‌తితో ఇలాంటి కార్య‌క్ర‌మాలు ఏర్పాటు చేసుకోవాల‌ని లేకుంటే గాయ‌కులు, పెయింట‌ర్స్ ఇలా అంద‌రూ రోడ్ల‌పైనే త‌మ నైపుణ్యాల‌ను ప్ర‌ద‌ర్శిస్తార‌ని మ‌రో యూజ‌ర్ రాసుకొచ్చారు.