ముదురుతున్న ఎండలు

దేశంలో పలు ప్రాంతాల్లో హఠాత్తుగా ఉష్ణోగ్రతలు పెరిగిపోయాయి. దీంతో మార్చిలోనే ఎండలు మండిపోతున్నాయి. ఈ నేపథ్యంలో డీహైడ్రేషన్‌కు గురి కాకుండా ఉండటానికి, ఎండ తీవ్రత బారిన పడకుండా ఉండటానికి పోషకాహార నిపుణులు, వైద్యులు కొన్నిసూచనలు చేస్తున్నారు.

• ముందు జాగ్రత్తలు మేలు

దేశంలో పలు ప్రాంతాల్లో హఠాత్తుగా ఉష్ణోగ్రతలు పెరిగిపోయాయి. దీంతో మార్చిలోనే ఎండలు మండిపోతున్నాయి. ఈ నేపథ్యంలో డీహైడ్రేషన్‌కు గురి కాకుండా ఉండటానికి, ఎండ తీవ్రత బారిన పడకుండా ఉండటానికి పోషకాహార నిపుణులు, వైద్యులు కొన్నిసూచనలు చేస్తున్నారు.

డీహైడ్రేషన్‌కు గురి కాకుండా ఉండాలంటే..

• రోజుకు కనీసం నాలుగు లీటర్ల నీళ్లు తాగాలి.
• నీటి శాతం ఎక్కువగా ఉండే పండ్లు, కూరగాయలు ఎక్కువగా తినాలి.
• ఇంట్లో కొద్దిగా ఉప్పు వేసి తయారు చేసుకున్న నిమ్మ రసం, పండ్ల రసాలు, లస్సీ లాంటివి తాగాలి.
• ఎండలో ప్రయాణించేటప్పుడు గొడుగు, శిరస్ర్తాణం, కళ్లద్దాలు వాడాలి.
• శరీరాన్ని ఎల్లప్పుడు శుభ్రంగా ఉంచుకోవాలి.
• తేలికగా, వదులుగా ఉండే కాటన్‌ దుస్తులు ధరించాలి.

అధిక ప్రోటీన్లు కలిగిన ఆహారం, కాఫీ, టీ, సాఫ్ట్‌ డ్రింకులు శరీరంలోని నీటి శాతాన్ని తగ్గిస్తాయని, డీహ్రైడ్రేషన్‌కు కారణమవుతాయని నిపుణులు తెలిపారు. శరీరంలో వేడిని తగ్గించుకోవాలంటే అధిక ఎలక్ట్రోలైట్లు కలిగిన నిమ్మరసం, కొబ్బరి నీళ్లు, మజ్జిగ, పండ్ల రసాలు తీసుకోవాలని వారు సూచిస్తున్నారు. – నేషనల్‌ డెస్క్‌