6-12 ఏండ్ల పిల్లలకు కొవాగ్జిన్
కరోనా కేసులు మళ్లీ పెరుగుతున్న నేపథ్యంలో వ్యాక్సినేషన్ను మరింత విస్తృతం చేయడానికి కేంద్రం నిర్ణయించింది. చిన్నారుల కోసం హైదరాబాద్కు చెందిన ఫార్మా దిగ్గజాలు బయలాజికల్ ఈ అభివృద్ధి చేసిన కార్బివ్యాక్స్, భారత్ బయోటెక్ అభివృద్ధి చేసిన కొవాగ్జిన్ టీకాలకు డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ) అత్యవసర వినియోగ అనుమతులను మంజూరు చేసింది.
- 5-12 ఏండ్ల పిల్లలకు కార్బివ్యాక్స్
- అత్యవసర వినియోగానికి డీసీజీఐ ఓకే
న్యూఢిల్లీ, ఏప్రిల్ 26: కరోనా కేసులు మళ్లీ పెరుగుతున్న నేపథ్యంలో వ్యాక్సినేషన్ను మరింత విస్తృతం చేయడానికి కేంద్రం నిర్ణయించింది. చిన్నారుల కోసం హైదరాబాద్కు చెందిన ఫార్మా దిగ్గజాలు బయలాజికల్ ఈ అభివృద్ధి చేసిన కార్బివ్యాక్స్, భారత్ బయోటెక్ అభివృద్ధి చేసిన కొవాగ్జిన్ టీకాలకు డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ) అత్యవసర వినియోగ అనుమతులను మంజూరు చేసింది. ఈ మేరకు కేంద్రఆరోగ్య మంత్రి మన్సుఖ్ మాండవీయ మంగళవారం వెల్లడించారు.
కార్బివ్యాక్స్ టీకాను 5-12 ఏండ్ల పిల్లలకు, కొవాగ్జిన్ టీకాను 6-12 ఏండ్ల పిల్లలకు ఇస్తారు. మరోవైపు, 12 ఏండ్లు దాటిన చిన్నారుల కోసం జైడస్ క్యాడిలా సంస్థ తయారుచేసిన జైకోవ్-డీ 3ఎంజీ అదనపు డోసు టీకాకు కూడా డీసీజీఐ అత్యవసర వినియోగానికి అనుమతులనిచ్చింది. 28 రోజుల ఎడంతో ఈ టీకాను రెండు డోసులుగా వేసుకోవాలి. గతంలో జైకోవ్-డీ 2ఎంజీ టీకాకు మాత్రమే డీసీజీఐ అనుమతులనిచ్చింది. దీంతో ఈ టీకాను మూడు విడుతలుగా వేసుకోవాల్సి వచ్చేది. కాగా ఇప్పటివరకూ 12 ఏండ్లు పైబడిన వారికి మాత్రమే దేశంలో టీకాలు వేస్తున్నారు. తాజా అనుమతుల మంజూరుతో ఐదేండ్లు పైబడిన పిల్లలకు త్వరలోనే వ్యాక్సినేషన్ను ప్రారంభించే అవకాశాలు ఉన్నాయి.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

