భారీగా పెరిగిన కమర్షియల్‌ సిలిండర్‌ ధర.. ఒకేసారి రూ.273.5 వడ్డింపు

Commercial cylinder | నిన్నటివరకు పెట్రోల్‌, డీజిల్‌ ధరలు పెంచిన దేశీయ చమురు కంపెనీలు.. ఇప్పుడు వాణిజ్య అవసరాలకోసం వినియోగించే సిలిండర్‌పై భారీగా వడ్డించాయి. ఒకేసారి రూ.273.5 పెంచాయి. దీంతో హైదరాబాద్‌ కమర్షియల్‌ ఎల్పీజీ సిలిండర్‌ (Commercial cylinder) ధర రూ.2460కి చేరింది.

న్యూఢిల్లీ: చమురు ధరల మోత ఇప్పట్లో ఆగేలా లేదు. నిన్నటివరకు పెట్రోల్‌, డీజిల్‌ ధరలు పెంచిన దేశీయ చమురు కంపెనీలు.. ఇప్పుడు వాణిజ్య అవసరాలకోసం వినియోగించే సిలిండర్‌పై భారీగా వడ్డించాయి. ఒకేసారి రూ.273.5 పెంచాయి. దీంతో హైదరాబాద్‌ కమర్షియల్‌ ఎల్పీజీ సిలిండర్‌ (Commercial cylinder) ధర రూ.2460కి చేరింది.

ఇక దేశరాజధాని న్యూఢిల్లీలో వాణిజ్య సిలిండర్‌ ధర రూ.250 పెరిగింది. దీంతో రూ.2253కు చేరింది. అయితే ప్రస్తుతానికి గృహ అవసరాలకోసం వినియోగించే 14 కిలోల సిలిండర్‌ ధరలో ఎలాంటి మార్పు లేకపోవడం కొంతలో కొంత ఊరటనిస్తున్నది. కాగా, గతనెల 1న 19 కేజీల కమర్షియల్‌ సిలిండర్‌ ధరను రూ.105 మేర పెంచిన విషయం తెలిసిందే.

19 kg commercial cooking gas LPG price hiked by Rs 250 per cylinder. It will now cost Rs 2253 effective from today. No increase in the prices of domestic gas cylinders. pic.twitter.com/h8acfRh6mn

— ANI (@ANI) April 1, 2022

10 రోజుల్లో రూ.7 వడ్డన

మార్చి 22 నుంచి గత పదిరోజుల్లో తొమ్మిది సార్లు పెట్రోల్‌, డీజిల్‌ ధరలు అధికమయ్యాయి. మొత్తంగా లీటర్‌ పెట్రో‌ల్‌పై రూ.7.22, లీటర్‌ డీజి‌ల్‌పై రూ.6.96 చొప్పున ధరలు పెరి‌గాయి. దీంతో హైద‌రా‌బా‌ద్‌లో ప్రస్తుతం పెట్రోల్‌ ధర రూ.115.42, డీజిల్‌ రూ.101.58గా ఉంది. కాగా, గత నెలలోనే గృహావసరాలకు వినియోగించే సిండర్‌ ధర రూ.50 పెరిగిన సంగతి విధితమే.