RG Kar Case | ఆర్జీ కర్ కేసుపై మళ్లీ విచారణ.. సీబీఐకి హైకోర్టు ఆదేశం
RG Kar Case | పశ్చిమ బెంగాల్ రాజధాని కోల్కతాలోని ఆర్జీ కర్ ప్రభుత్వ మెడికల్ కాలేజీ హాస్పిటల్లో యువ వైద్యురాలిపై జరిగిన అత్యాచారం, హత్యపై మళ్లీ విచారణ జరుపాలని కలకత్తా హైకోర్టు ఆదేశించింది.
కోల్కతా: పశ్చిమ బెంగాల్ రాజధాని కోల్కతాలోని ఆర్జీ కర్ ప్రభుత్వ మెడికల్ కాలేజీ హాస్పిటల్లో యువ వైద్యురాలిపై జరిగిన అత్యాచారం, హత్యపై మళ్లీ విచారణ జరుపాలని కలకత్తా హైకోర్టు ఆదేశించింది. (RG Kar Case) సాక్ష్యాలు తారుమారు చేశారన్న బాధితురాలి తల్లిదండ్రుల ఆరోపణలపై తాజాగా మొదటి నుంచి సీబీఐ దర్యాప్తు జరుపాలని గురువారం పేర్కొంది. సీబీఐ జాయింట్ డైరెక్టర్ (తూర్పు జోన్) నేతృత్వంలో ముగ్గురు సభ్యుల ప్రత్యేక దర్యాప్తు బృందాన్ని (సిట్) ఏర్పాటు చేయాలని న్యాయమూర్తులు శంపా సర్కార్, తీర్థంకర్ ఘోష్లతో కూడిన హైకోర్టు డివిజన్ బెంచ్ ఆదేశించింది.
కాగా, సంఘటన జరిగిన 2024 ఆగస్ట్ 9వ తేదీ రాత్రి వైద్యురాలు భోజనం చేసినప్పటి నుంచి ఆమె అంత్యక్రియల వరకు జరిగిన అన్ని సంఘటనలను సిట్ తిరిగి పరిశీలించాలని హైకోర్టు పేర్కొంది. సాక్ష్యాలు ధ్వంసం చేశారని, కేసును అణచివేసి, దాని తీవ్రతను తగ్గించడానికి ప్రయత్నాలు జరిగాయన్న బాధితురాలి తల్లిదండ్రుల ఆరోపణలను పరిశీలించాలని సూచించింది. దర్యాప్తు కోసం ఎవరినైనా ప్రశ్నించడానికి సీబీఐకి పూర్తి స్వేచ్ఛను కూడా హైకోర్టు ఇచ్చింది. ఈ కేసుపై తదుపరి విచారణ జరిగే జూన్ 25 లోపు దర్యాప్తు నివేదికను సమర్పించాలని సిట్ను కోరింది.
అయితే ఆర్జీ కర్ మెడికల్ కాలేజ్ అండ్ హాస్పిటల్లో యువ ట్రైనీ వైద్యురాలిపై అత్యాచారానికి పాల్పడి హత్య చేసిన ఈ సంఘటన దేశవ్యాప్తంగా తీవ్ర దిగ్భ్రాంతిని కలిగించింది. బెంగాల్ను కుదిపేసింది. ఆ రాష్ట్ర వైద్యులు పలు రోజుల పాటు నిరసనలు కొనసాగించారు. చివరకు సుప్రీంకోర్టు కూడా జోక్యం చేసుకున్నది.
మరోవైపు నిందితుడైన పౌర స్వచ్ఛంద కార్యకర్త సంజయ్ రాయ్ను ట్రయల్ కోర్టు దోషిగా నిర్ధారించి యావజ్జీవ కారాగార శిక్ష విధించింది. అయితే తమ కుమార్తెపై హత్యాచారం కేసులో ఒకరి కంటే ఎక్కువ మంది వ్యక్తుల ప్రమేయం ఉన్నట్లు తల్లిదండ్రులు ఆరోపించారు. ఈ కేసుపై మరోసారి దర్యాప్తు చేయాలని హైకోర్టును ఆశ్రయించారు. ఈ నేపథ్యంలో మళ్లీ మొదటి నుంచి తాజాగా దర్యాప్తు చేయాలని సీబీఐని హైకోర్టు ఆదేశించింది.
Read Today's Latest National News in Telugu and Telugu News
RELATED ARTICLES
తాజా వార్తలు
Sajjanar | పోస్టింగ్ ఎక్కడ ఇచ్చినా తగ్గేది లేదు.. సజ్జనార్ కీలక వ్యాఖ్యలు!
మాల వేసుకుని చెప్తున్న.. కాంగ్రెస్ మళ్లా రాదు!.. సీఎం కరప్షన్తో తీవ్రనష్టం.. రేవంత్పై ఎమ్మెల్యే రాజగోపాల్ ఫైర్
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

