వివాహిత దారుణ హత్య.. మతం మార్చి హతమార్చారని ఆరోపణలు!

బీజేపీ పాలిత మహారాష్ట్రలో ఒక మహిళను దారుణంగా హత్య చేసిన ఘటన ఆదివారం వెలుగులోకి వచ్చింది. ప్రేమ వలలో చికుకున్న ఆమెను మతం మార్చాక ఇలా అంతమొందించారని ఆరోపణలు వినిపిస్తున్నాయి.

ముంబై, ఏప్రిల్‌ 19 (నమస్తే తెలంగాణ) : బీజేపీ పాలిత మహారాష్ట్రలో ఒక మహిళను దారుణంగా హత్య చేసిన ఘటన ఆదివారం వెలుగులోకి వచ్చింది. ప్రేమ వలలో చికుకున్న ఆమెను మతం మార్చాక ఇలా అంతమొందించారని ఆరోపణలు వినిపిస్తున్నాయి. ఈ కేసులో నిందితుడైన ఆమె ప్రియుడిని, అతడి తల్లిదండ్రులను పోలీసులు అరెస్టు చేశారు.

మృతురాలి కుటుంబ సభ్యుల కథనం ప్రకారం&నందఖేడా తాలూకా మంగ్రుల్పీర్‌కు చెందిన యువతికి వార్ధాకు చెందిన ఒక యువకుడితో కొన్ని నెలల క్రితం పెండ్లి జరిగింది. ఆ తర్వాత ఆమెకు సాదిక్‌ షా అనే యువకుడితో పరిచయమైంది. అతడు ఆమెను ప్రేమ పేరుతో తప్పు దోవ పట్టించి అపహరించుకొని ముంబైకి తీసుకెళ్లాడు. ఆ తర్వాత ఆమె గత నెలలో అకోలాకు వచ్చి ప్రసవించింది. ఆ తర్వాత కొన్ని రోజులకే హత్యకు గురైంది.