Visit:
పాట్నా: రెసిడెన్షియల్ స్కూల్ హాస్టల్లో ఒక బాలుడిపై అసహజ లైంగిక దాడి జరిగింది. ఆ తర్వాత దారుణ హత్యకు గురయ్యాడు. (Hostel Boy Murder) బాలుడి హత్యపై పోలీసులు దర్యాప్తు చేశారు. నిందితుడైన హాస్టల్ గార్డ్ను అరెస్ట్ చేశారు. బీహార్లోని జెహానాబాద్ జిల్లాలో ఈ సంఘటన జరిగింది. ఒక రెసిడెన్షియల్ స్కూల్ హాస్టల్లో ఉంటున్న ఐదేళ్ల బాలుడు అనుమానాస్పదంగా మరణించాడు. ఏప్రిల్ 6న అతడ్ని ప్రైవేట్ ఆసుపత్రిలో అడ్మిట్ చేసినట్లు బాలుడి తండ్రికి హాస్టల్ నిర్వాహకుడు ఫోన్ చేసి సమాచారం ఇచ్చాడు. దీంతో బాలుడి కుటుంబ సభ్యులు హుటాహుటిన ఆసుపత్రికి చేరుకున్నారు.
కాగా, కుమారుడి గొంతు, ప్రైవేట్ భాగం. పొత్తికడుపు ఎడమ వైపు కోసిన గాయాలు ఉండటాన్ని బాలుడి తండ్రి గమనించాడు. ఆసుపత్రి డాక్టర్ల సూచన మేరకు పాట్నాలోని మల్టీ స్పెషాలిటీ హాస్పిటల్కు అతడ్ని తరలించారు. అయితే ఆ బాలుడు మరణించినట్లు అక్కడి వైద్యులు నిర్ధారించారు.
మరోవైపు బాలుడి తండ్రి ఫిర్యాదుపై పోలీసులు కేసు నమోదు చేసి దర్యాప్తు చేట్టారు. హాస్టల్ నిర్వాహకుడు తరుణ్ కుమార్, ఒక ఉపాధ్యాయుడు, ఇద్దరు సిబ్బందిని అదుపులోకి తీసుకుని ప్రశ్నించారు. స్కూల్ క్యాంటీన్ గార్డ్ అయిన 46 ఏళ్ల ముఖేష్ అలియాస్ సుదామాపై పోలీసులు అనుమానం వ్యక్తం చేశారు. ఆధారాల మేరకు అతడ్ని అదుపులోకి తీసుకుని పశ్నించగా నేరాన్ని ఒప్పుకున్నాడు.
కాగా, ఏప్రిల్ 5న ఆదివారం రాత్రి ముఖేష్ ఆ బాలుడ్ని తన గదిలోకి పిలిచాడని, అసహజ లైంగిక దాడికి పాల్పడ్డాడని పోలీస్ అధికారి తెలిపారు. ఆ బాలుడు తనను అరెస్ట్ చేయిస్తాడనే భయంతో బ్లేడ్తో గొంతు కోసి హత్య చేశాడని, మృతదేహాన్ని హాస్టల్ మెట్లపై పడేశాడని చెప్పారు. నిందితుడు ముఖేష్ను అరెస్ట్ చేశామని, హత్యకు వినియోగించిన బ్లేడ్ను అతడి గది నుంచి స్వాధీనం చేసుకున్నట్లు వివరించారు.
అయితే చాలా కాలం కిందట ముఖేష్ భార్య అతడ్ని విడిచిపెట్టి వెళ్లిపోయినట్లు తెలిసిందని పోలీస్ అధికారి తెలిపారు. ఈ నేపథ్యంలో హాస్టల్లోని పిల్లలు ‘నపుంసకుడు’ అని అతడ్ని అని ఎగతాళి చేసేవారని చెప్పారు. హాస్టల్ నిర్వాహకుడితో కూడా నిందితుడు ముఖేష్ గొడవ పడ్డాడని, ఈ సందర్భంగా హాస్టల్కు చెడ్డపేరు తెస్తానని, దానిని మూసివేయిస్తానని అతడు బెదిరించినట్లు దర్యాప్తులో తెలిసిందని పోలీస్ అధికారి వెల్లడించారు.
Also Read:
Boy Killed In Bee Attack | పరీక్షకు హాజరైన విద్యార్థులు.. తేనెటీగల దాడి, బాలుడు మృతి
Woman killed in PG | పేయింగ్ గెస్ట్ వసతి గృహంలో మహిళ హత్య.. బెడ్ బాక్స్లో మృతదేహం
Watch: న్యాయవాదిని కాల్చి చంపిన దుండగులు.. తర్వాత ఏం జరిగిందంటే?
