PM Modi | ధరల మంట.. కొలువు తంటా.. మోదీ సర్కార్‌ అతిపెద్ద వైఫల్యాలివే!

‘అచ్చేదిన్‌ తెస్తాం.. ఏడాదికి రెండు కోట్ల చొప్పున ఉద్యోగాలు ఇస్తాం’ అంటూ పదకొండేండ్ల కిందట అబద్ధపు హామీలతో గద్దెనెక్కిన బీజేపీ ప్రభుత్వ హయాంలో దేశ ప్రజలందరూ అరిగోస పడుతున్నారు. ధరల మోతతో సామాన్యుడి బతుకు దిన దిన గండం నూరేండ్ల ఆయుష్షుగా మారింది. పెరిగిన నిరుద్యోగంతో గ్రామీణ, పట్టణ ప్రాంతాల్లోని యువతీ, యువకులు సతమతమవుతున్నారు.

• ధరల కట్టడిలో, ఉద్యోగ కల్పనలో బీజేపీ ప్రభుత్వం ఘోరంగా ఫెయిల్‌
• నిరుద్యోగం అతిపెద్ద సమస్యన్న 24% మంది
• ధరల్ని భరించలేకపోతున్నామన్న 64% జనం
• నిత్యావసరాల ధరలు తగ్గుతాయన్న ఆశ లేదు
• జీతాలు పెరుగుతాయన్న సూచన లేనేలేదు
• ‘ఇండియా టుడే’ సర్వేలో ప్రజల మనోగతం

దేశంలో ధరల మంట సామాన్యుడిని ఉక్కిరిబిక్కిరి చేస్తున్నది. కొలువుల కల్పన లేకపోగా ఉద్యోగ భద్రత కూడా కరువవడం యువతను ఆందోళనకు గురిచేస్తున్నది. ఇండియాటుడే నిర్వహించిన తాజా సర్వేలో బీజేపీ సర్కారు వైఫల్యాలపై ప్రజలు కుండబద్దలు కొట్టారు. మోదీ పాలనలో కార్పొరేట్‌లకే ఎక్కువ లబ్ధి కలిగిందని 61శాతం మంది అభిప్రాయపడ్డారు.

‘అచ్చేదిన్‌ తెస్తాం.. ఏడాదికి రెండు కోట్ల చొప్పున ఉద్యోగాలు ఇస్తాం’ అంటూ పదకొండేండ్ల కిందట అబద్ధపు హామీలతో గద్దెనెక్కిన బీజేపీ ప్రభుత్వ హయాంలో దేశ ప్రజలందరూ అరిగోస పడుతున్నారు. ధరల మోతతో సామాన్యుడి బతుకు దిన దిన గండం నూరేండ్ల ఆయుష్షుగా మారింది. పెరిగిన నిరుద్యోగంతో గ్రామీణ, పట్టణ ప్రాంతాల్లోని యువతీ, యువకులు సతమతమవుతున్నారు. దీంతో పెరుగుతున్న ధరలకు కళ్లెం వేయడంలో, ఉద్యోగ కల్పనలో మోదీ సర్కారు ఘోరంగా విఫలమయ్యిందంటూ మెజారిటీ ప్రజలు మండిపడుతున్నారు. ఈ మేరకు ‘మూడ్‌ ఆఫ్‌ ది నేషన్‌’ పేరిట ఇండియా టుడే, సీ-వోటర్‌ సంయుక్తంగా చేసిన ఇటీవలి సర్వేలో పలు కీలక విషయాలు వెల్లడయ్యాయి.

-స్పెషల్‌ టాస్క్‌ బ్యూరో

PM Modi | హైదరాబాద్‌, మార్చి 26 (నమస్తే తెలంగాణ): కొండెక్కిన నిత్యావసరాల ధరలతో పేద, మధ్యతరగతి ప్రజలు అల్లాడిపోతున్నారు. ఉద్యోగ కల్పన మృగ్యమవ్వడంతో దేశంలోని యువతరమంతా సతమతమవుతున్నది. పదకొండేండ్ల బీజేపీ పాలనలో ధరలు, నిరుద్యోగమే అతిపెద్ద సమస్యలని, వీటిని పరిష్కరించడంలో మోదీ సర్కారు ఘోరంగా విఫలమయ్యిందని తాజాగా తేలింది. ఈ మేరకు ‘మూడ్‌ ఆఫ్‌ నేషన్‌’ పేరిట ఇండియాటుడే, సీ-వోటర్‌ సంయుక్తంగా ఫిబ్రవరిలో చేసిన సర్వేలో పలు కీలక విషయాలు వెల్లడయ్యాయి.

అన్నీ సమస్యలే

దేశ ప్రజలు ఎక్కువగా ఎదుర్కొంటున్న సమస్యలేమిటని సర్వే ప్రతినిధులు ప్రశ్నించగా.. మెజారిటీ ప్రజలు నిరుద్యోగం, ధరల పెరుగుదల తమకు ఇబ్బందిగా మారినట్టు అభిప్రాయపడ్డారు. 11 ఏండ్ల బీజేపీ ప్రభుత్వ పాలనలో అతిపెద్ద వైఫల్యాలుగా ధరల పెరుగుదల, నిరుద్యోగం వంటి రెండు అంశాలు నిలిచినట్టు ఏకంగా 42 శాతం మంది పేర్కొన్నారు. మత కల్లోలాల నియంత్రణలోనూ, మైనార్టీల భద్రతను చేపట్టడంలోనూ, ఆర్థికాభివృద్ధికి అవసరమైన నిర్ణయాలు తీసుకోవడంలోనూ బీజేపీ సర్కారు విఫలమయ్యిందని పలువురు అభిప్రాయపడ్డారు.

ప్రస్తుతం దేశ ప్రజలు ఎదుర్కొంటున్న అతిపెద్ద సమస్యలేమిటి?

• నిరుద్యోగం- 24%
• ధరల పెరుగుదల 17%
• ఆదాయలేమి, పేదరికం 7%
• రైతు సమస్యలు 7%
• మహిళా భద్రత 6%

దేశంలో నిరుద్యోగం నిజంగానే అంత తీవ్రమైన సమస్యా?

• చాలా తీవ్రమైన సమస్య 55%
• తీవ్రమైన సమస్యే 21%
• అంతపెద్ద సమస్యేం కాదు 5%
• ఏమీ చెప్పలేం 19%

పెరిగిన ధరలతో రోజువారీ ఖర్చులను భరించగలుగుతున్నారా?

• చాలా కష్టంగా ఉన్నది 64%
• కష్టమైనా ఏదోలా బండి లాగుతున్నాం 27%
• కష్టంగా ఏమీలేదు – 9%
• యూనివర్సల్‌ బేసిక్‌ ఇన్‌కమ్‌ స్కీమ్‌కు మద్దతిస్తామన్నవారు 82%
• డీ, సీబీఐ వంటి కేంద్ర దర్యాప్తు సంస్థలను బీజేపీ సర్కారు దుర్వినియోగం చేస్తోంది 45%