నేడే బీహార్ తీర్పు.. బీహార్ సీఎంగా నితీశ్కుమార్కు ఐదోసారి అవకాశం దక్కేనా?
ఇటీవల జరిగిన బీహార్ అసెంబ్లీ ఎన్నికల ఓట్ల లెక్కింపు శుక్రవారం జరగనుంది. ఈ ఎన్నికల ఫలితాల కోసం దేశవ్యాప్తంగా ప్రజలు ఉత్కంఠతతో ఎదురుచూస్తున్నారు. జేడీయూ అధినేత, రాష్ట్రంలో అత్యధిక కాలం ముఖ్యమంత్రిగా కొనసాగుతున్న నితీశ్కుమార్కు ఐదవ పర్యాయం పీఠం దక్కుతుందా లేక బీహార్ ప్రజలు మార్పు కోరుకుంటే మహాఘట్బంధన్కు అధికారం దక్కుతుందా అన్న విషయం మరి కొన్ని గంటల్లోనే తేలిపోనున్నది.
- ప్రజలు మార్పు కోరితే ఆర్జేడీ నాయకుడు తేజస్వీకే పగ్గాలు!
- ఎన్నికల ఫలితాలపై ఉత్కంఠత.. ఓట్ల లెక్కింపునకు సర్వం సిద్ధం
పాట్నా, నవంబర్ 13 : ఇటీవల జరిగిన బీహార్ అసెంబ్లీ ఎన్నికల (Bihar Assembly Elections) ఓట్ల లెక్కింపు శుక్రవారం జరగనుంది. ఈ ఎన్నికల ఫలితాల కోసం దేశవ్యాప్తంగా ప్రజలు ఉత్కంఠతతో ఎదురుచూస్తున్నారు. జేడీయూ అధినేత, రాష్ట్రంలో అత్యధిక కాలం ముఖ్యమంత్రిగా కొనసాగుతున్న నితీశ్కుమార్కు (Nitish Kumar) ఐదవ పర్యాయం పీఠం దక్కుతుందా లేక బీహార్ ప్రజలు మార్పు కోరుకుంటే మహాఘట్బంధన్కు అధికారం దక్కుతుందా అన్న విషయం మరి కొన్ని గంటల్లోనే తేలిపోనున్నది. రాష్ట్రవ్యాప్తంగా 38 జిల్లాలలో మొత్తం 46 కౌంటింగ్ కేంద్రాలను ఏర్పాటు చేసినట్లు ఎన్నికల కమిషన్ వెల్లడించింది. కేంద్ర పరిశీలకులు, అభ్యర్థులు నియమించిన ఏజెంట్ల పర్యవేక్షణలో ఓట్ల లెక్కింపు జరుగుతుందని, ఈ మొత్తం ప్రక్రియను వీడియో రికార్డింగ్ చేస్తామని ఈసీ వివరించింది. బీహార్ ఎన్నికలలో ప్రధానంగా ఎన్డీఏ, ఇండియా కూటమి తలపడుతున్నాయి.
ఫలితాలపై పార్టీల చర్చలు, సమీక్షలు
ఓట్ల లెక్కింపు మరి కొన్ని గంటల్లో ప్రారంభం కానున్న నేపథ్యంలో గురువారం వివిధ రాజకీయ పార్టీల నాయకులు కౌంటింగ్ ఏర్పాట్లు ఫలితాల సరళిపై విస్తృతంగా చర్చలు, సమీక్షలు నిర్వహించారు. కౌంటింగ్ సందర్భంగా ఎటువంటి రాజ్యాంగ వ్యతిరేక కార్యకలాపాలు జరిగినా ఎదుర్కోవడానికి తమ పార్టీ కార్యకర్తలు, సామాన్య ప్రజలు సిద్ధంగా ఉన్నారని ఇండియా కూటమి ముఖ్యమంత్రి అభ్యర్థి తేజస్వీ యాదవ్ ప్రకటించగా ఆర్జేడీకి చెందిన మరో నాయకుడు సునీల్ కుమార్ సింగ్ మరో అడుగు ముందుకేసి 2020లో జరిగినట్లు ఓట్ల లెక్కింపు మధ్యలో ఆగినా, ఆర్జేడీ అభ్యర్థులు ఓడిపోయినా నేపాల్ వంటి పరిస్థితిని వీధుల్లో చూడాల్సి వస్తుందని తీవ్ర హెచ్చరికలు జారీ చేశారు.
దీంతో ఆయనపై పోలీసులు ఎఫ్ఐఆర్ నమోదు చేశారు. మరోపక్క బీజేపీ మాత్రం ఎన్డీయేకు మరో పర్యాయం అవకాశం ఇవ్వాలని నిర్ణయించిన ప్రజలు తమ తీర్పును ఈవీఎంలలో నిక్షిప్తం చేశారని, ఓటమి నిస్పృహతోనే ఆర్జేడీ నాయకులు ఇటువంటి హెచ్చరికలు చేస్తున్నారని వ్యాఖ్యానించారు. ఓటింగ్ ఎంత ప్రశాంతంగా జరిగిందో కౌంటింగ్ కూడా అంతే ప్రశాంతంగా జరుగుతుందని బీజేపీ రాష్ట్ర అధ్యక్షుడు దిలీప్ జైస్వాల్ ఆశాభావం వ్యక్తం చేశారు.
Read Today's Latest National News in Telugu and Telugu News
RELATED ARTICLES
తాజా వార్తలు
Congress Leaders Attack | ఫేస్బుక్ మెటా ఆఫీస్ పై కాంగ్రెస్ నాయకుల దాడి
Hyderabad | నీటి ట్యాంకు నుంచి వృథాగా పోతున్న తాగునీరు..
Enugula Rakesh Reddy | యూత్ డిక్లరేషన్ పేరుతో యువతను మోసం చేసిన కాంగ్రెస్ : ఏనుగుల రాకేష్రెడ్డి
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

