న్యూఢిల్లీ, మార్చి 31: కీలక రంగాల్లో వృద్ధి మళ్లీ పడకేసింది. మొత్తం 8 రంగాల్లోనూ ఉత్పత్తి క్షీణించడంతో ఫిబ్రవరిలో ఉత్పాదక రేటు మైనస్ 4.6 శాతానికి దిగజారింది. గడిచిన 6 నెలల్లో ఇదే అత్యల్పం కావడం గమనార్హం. గతేడాది ఆగస్టులో మైనస్ 6.9 శాతానికి పడిపోగా, మళ్లీ ఆ తర్వాత ఇప్పుడే ఆ స్థాయిలో మౌలిక రంగాల పనితీరు నిరాశపర్చింది. నిరుడు ఫిబ్రవరితో పోల్చితే రిఫైనరీ ఉత్పత్తి అత్యధికంగా 10.9 శాతం పతనమైంది. ఆ తర్వాత సిమెంట్ (5.5%), బొగ్గు (4.4%), ఎరువులు (3.7%), ముడి చమురు (3.2%), ఉక్కు (1.8%), సహజ వాయువు (1%), విద్యుత్తు (0.2%) రంగాలున్నట్లు బుధవారం విడుదలైన అధికారిక గణాంకాల్లో తేలింది. కాగా, గత ఫిబ్రవరిలో ఈ 8 కీలక రంగాల ఉత్పత్తిలో 6.4 శాతం వృద్ధి కనిపించిన విషయం తెలిసిందే. ఇక ఈ ఏడాది జనవరిలో స్వల్పంగా 0.9 శాతం వృద్ధిరేటు నమోదైంది.
ఇవీ కూడా చదవండి
నిత్యం 45వేల మందికే శ్రీవారి దర్శనం