Arrow Pierces Monkey’s Neck | కోతి మెడలోకి దూసుకెళ్లిన బాణం.. నాలుగు రోజుల్లో రెండో దాడి

Arrow Pierces Monkey's Neck | కోతులపై దాడులు పెరుగుతున్నాయి. వేటగాళ్లు బాణాలతో దాడులు చేస్తున్నారు. ఈ నేపథ్యంలో ఒక కోతి మెడలోకి బాణం చొచ్చుకెళ్లింది. గత నాలుగు రోజుల్లో ఇలాంటి దాడులు రెండు జరిగాయి. దీంతో జంతు ప్రేమికులు, అటవీశాఖ అధికారులు ఆందోళన వ్యక్తం చేశారు.

ముంబై: కోతులపై దాడులు పెరుగుతున్నాయి. వేటగాళ్లు బాణాలతో దాడులు చేస్తున్నారు. ఈ నేపథ్యంలో ఒక కోతి మెడలోకి బాణం చొచ్చుకెళ్లింది. గత నాలుగు రోజుల్లో ఇలాంటి దాడులు రెండు జరిగాయి. దీంతో జంతు ప్రేమికులు, అటవీశాఖ అధికారులు ఆందోళన వ్యక్తం చేశారు. (Arrow Pierces Monkey’s Neck) మహారాష్ట్రలోని థానే జిల్లాలో తాజా సంఘటన జరిగింది. థానేలోని ఒక ప్రాంతంలో కోతి మెడలోకి బాణం దిగింది. దీంతో బాధతో అది అల్లాడింది. గమనించిన స్థానికులు వన్యప్రాణి సంక్షేమ సంఘం, అటవీ శాఖ అధికారులకు సమాచారం ఇచ్చారు.

కాగా, థానే వన్యప్రాణి సంక్షేమ సంఘం సభ్యులు సంఘటనా స్థలానికి చేరుకున్నారు. యెయూర్ రేంజ్ అటవీ శాఖ అధికారుల సహాయంతో ఆ కోతిని సురక్షితంగా పట్టుకున్నారు. మెడ ద్వారా ప్రవేశించిన బాణం దవడ దగ్గర నుంచి బయటకు వచ్చినట్లు గమనించారు. ఆ కోతిని పశు వైద్యశాలకు తరలించి చికిత్స అందిస్తున్నారు. వేటగాడు బాణంతో దాడి చేసినట్లు అనుమానిస్తున్నారు. వన్యప్రాణి సంరక్షణ చట్టం కింద కేసు నమోదు చేసి దర్యాప్తు చేస్తున్నారు.

మరోవైపు నాలుగు రోజుల కిందట ముంబైలోని సంజయ్ గాంధీ జాతీయ పార్కు సమీపంలో కూడా ఇలాంటి సంఘటన జరిగింది. ఒక కోతి కడుపులోకి బాణం దిగింది. తీవ్రంగా గాయపడిన దానిని స్థానికులు గమనించారు. సమాచారం తెలుసుకున్న రెస్కింక్ అసోసియేషన్ ఫర్ వైల్డ్‌లైఫ్ వెల్ఫేర్, అటవీ శాఖ బృందాలు సహాయక చర్యలు చేపట్టారు. కోతిపై బాణంతో దాడి చేసిన వ్యక్తిని గుర్తించేందుకు ఆ ప్రాంతంలోని సీసీటీవీ ఫుటేజ్‌ను పరిశీలిస్తున్నారు. నిందితులపై కఠిన చర్యలు తీసుకుంటామని అటవీశాఖ అధికారులు హెచ్చరించారు.

Also Read:

Man With 18 Children Killed By Lover | ఇద్దరు భార్యలు, 18 మంది పిల్లలున్న వ్యక్తి.. హత్య చేసిన ప్రియురాలు

NDA seat deal in Tamil Nadu | తమిళనాడులో ఎన్డీయే సీట్ల ఒప్పందం ఖరారు.. 178 స్థానాల్లో అన్నాడీఎంకే, 27 స్థానాల్లో బీజేపీ పోటీ

Watch: ఆలయంలో రెచ్చిపోయిన పూజారులు.. భక్తులను ఈడ్చుకెళ్లి పిడిగుద్దులు