HMPV Case | మరో చిన్నారికి HMPV పాజిటివ్‌.. భారత్‌లో 18కి చేరిన కేసులు

HMPV Case | భారత్‌లో హ్యూమన్ మెటాప్‌ న్యూమో వైరస్ (HMPV) కేసులు క్రమంగా పెరుగుతున్నాయి. తాజాగా మరోచిన్నారి ఈ వైరస్‌ బారిన పడింది.

HMPV Case | భారత్‌లో హ్యూమన్ మెటాప్‌ న్యూమో వైరస్ (HMPV) కేసులు క్రమంగా పెరుగుతున్నాయి. తాజాగా మరోచిన్నారి ఈ వైరస్‌ బారిన పడింది. పుదుచ్ఛేరికి చెందిన చిన్నారికి హెచ్‌ఎమ్‌పీవీ వైరస్‌ పాజిటివ్‌గా నిర్ధారణ అయ్యింది.

ఆరోగ్య శాఖ అధికారి రవిచంద్రన్‌ తెలిపిన వివరాల ప్రకారం.. సదరు చిన్నారి జ్వరం, దగ్గు, జలుబుతో ప్రభుత్వ ఆధీనంలో నడుస్తున్న జవహర్‌లాల్‌ ఇన్‌స్టిట్యూట్‌ ఆఫ్‌ పోస్ట్‌గ్రాడ్యుయేట్‌ మెడికల్‌ ఎడ్యుకేషన్‌ అండ్‌ రీసెర్చ్‌ సెంటర్‌లో చేరినట్లు తెలిపారు. ప్రస్తుతం చిన్నారి వైద్య చికిత్సకు సహకరిస్తోందని చెప్పారు. కాగా, తాజా కేసుతో పుదుచ్ఛేరిలో హెచ్‌ఎమ్‌పీవీ కేసులు రెండుకు చేరాయి. గతవారం మూడేండ్ల చిన్నారి ఈ వైరస్‌ బారిన పడిన విషయం తెలిసిందే. చికిత్స తర్వాత పూర్తిగా కోలుకొని డిశ్చార్జ్‌ అయ్యింది. తాజా కేసుతో కలిపి భారత్‌ (India)లో హెచ్ఎమ్‌పీవీ కేసులు 18కి చేరాయి.

Also Read..

“HMPV | గుజరాత్‌లో మరో చిన్నారికి హెచ్‌ఎంపీవీ పాజిటివ్‌.. ఆ రాష్ట్రంలో నాలుగుకు పెరిగిన కేసులు”

“HMPV Case | అస్సాంలో 10 నెలల చిన్నారికి HMPV పాజిటివ్‌.. ఈ సీజన్‌లో ఇదే తొలి కేసు”

“HMPV | హెచ్‌ఎంపీ వైరస్‌ కంటే.. ఆ ఐదు వైరస్‌ల వ్యాప్తే ఎక్కువ..!”

“HMPV | భారత్‌లోకి ప్రవేశించిన చైనా వైరస్‌.. హెచ్‌ఎమ్‌పీవీ లక్షణాలు ఇవే..!”